Lajme

Astrit Zemaj takohet me ministrin e Mbrojtjes së Ukrainës, i shprehu solidaritetin për popullin ukrainas

Autori: Gazeta inFokus 12:27 | 13 October 2022

Përfaqësuesi i Republikës së Kosovës për marrëdhëniet me NATO, Astrit Zemaj në selinë e NATO-s, është takuar me ministrin e Mbrojtjes së Ukrainës, Oleksii Reznikov, shkruan Gazeta Infokus.

Përmes një postimi në rrjetin social “Facebook”, Zemaj tha se në emër të institucioneve të Republikës së Kosovës i ka përcjellë mbështetjen e vendit tonë ndaj popullit ukrainas i cili po përballet me luftën.

“Në margjinat e takimit të Grupit të Kontaktit të Mbrojtjes së Ukrainës (UDCG), në Selinë e NATO-s, pata kënaqësinë të takoj Ministrin e Mbrojtjes së Ukrainës, z. Oleksii Reznikov.

-Advertisement-

Ministrit Reznikov në emër të institucioneve të Republikës së Kosovës i përcolla edhe njëherë mbështetjen dhe solidaritetin e vendit tonë me popullin e Ukrainës, si dhe mbështetjen e fuqishme për sovranitetin dhe integritetin territorial të Ukrainës në luftën e saj të drejtë”, ka shkruar Zemaj në Facebook, ku edhe publikoi një fotografi me ministrin ukrainas./Gazeta Infokus/

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme