Lajme

Associated Press e Independent raportojnë për përplasjen e Metës me ambsadoren amerikane

Autori: Gazeta inFokus 14:41 | 24 April 2021

Mediumet e njohura botërore si Associated Press dhe Independent kanë raportuar për përplasjen e Presidentit të Shqipërisë, Ilir Meta, me Ambasadoren e Shteteve të Bashkuara në këtë shtet, Yuri Kim.

Presidenti i Shqipërisë e ka akuzuar ambasadoren e ShBA-së për ndërhyrje në çështjet e brendshme të shtetit të vogël evropian duke e përkrahur kryeministrin në zgjedhjet parlamentare, shkruan Associated Press.

Shqipëria merr shembull Kosovën për organizim të zgjedhjeve

Ilir Meta foli ashpër rreth Ambasadores Yuri Kim gjatë një emisioni televiziv të premten në mbrëmje dhe i bëri thirrje diplomates amerikane që, siç u shpreh ai, “të ndalojë së përkrahuri (Kryeministrin Edi) Rama, i cili po i shkel zgjedhjet”, transmeton Gazeta Express.

Lajmi në gazetën britanike “The Independent”

Përderisa po shfaqej emisioni në Syri Televizion, Kim i dërgoi një mesazh Metës dhe gjithashtu shkroi në rrjete sociale për zgjedhjet e së dielës, duke iu përgjigjur paralajmërimit të Metës që shqiptarët do t’i kapin sfurqet dhe veglat tjera, nëse kryeministri përpiqet të manipulojë me zgjedhjet ose me rezultatin.

“Është e papranueshme për këdo që të kërcënojë se qytetarët do t’i kapin sfurqet më 25 prill, nëse nuk u pëlqen rezultati i zgjedhjeve. Këto kërcënime meritojnë të dënohen. Ata që nxisin dhunë do të mbahen përgjegjës për rezultatet e fjalëve dhe veprave të tyre. Ndaluni”, shkroi ambasadorja amerikane.

Meta e ka akuzuar Ramën për udhëheqje të një “regjimi kleptokratik” që i ka vënë të gjitha kompetencat legjislative, administrative dhe juridike në duart e kryeministrit.

Të tjera