Lajme

ASK: Mbi gjysmë milioni banorë të regjistruar deri më tani në Kosovë

Autori: Gazeta inFokus 12:15 | 22 April 2024

Agjencia e Statistikave të Kosovës ka njoftuar se deri në ditën e djeshme janë regjistruar 530 mijë qytetarë në procesin e Regjistrimit të Popullsisë.

Drejtori ekzekutiv i Agjencisë së Statistikave të Kosovës, Avni Kastrati ka thënë se mbi 36% e objekteve që janë në Kosovë janë regjistruar.

Ai theksoi se të gjitha zonat në Kosovë dhe komuniteti serb janë duke marrë pjesë në regjistrimin e popullsisë.
Ndërsa, nga diaspora janë regjistruar 180 mijë pjesëtarë dhe mbi 50 mijë përmes platformës e-diaspora.

-Advertisement-

Lexo po ashtuKonjufca takoi diplomatët amerikan“Deri dje 530 mijë vetë në Kosovë janë regjistruar. Mbi 36% e objekteve që janë në Kosovë, janë regjistruar. Nuk kemi sfida madhore në teren. Nëse vazhdon një dinamikë e tillë do ta arrijmë ta përfundojmë deri më 17 maj. Gjitha zonat në Kosovë janë duke marrë pjesë në regjistrim dhe të gjitha komunitetet. Edhe komuniteti serb është duke marrë pjesë. Të gjithë ata që refuzojnë do të përcjellën sipas legjislacionit që është në fuqi”, ka thënë Kastrati.
Ndërsa, Zëvendësministrja e Diasporës, Liza Gashi, ka shtuar se platforma e-diaspora jep një pasqyrë se ku gjenden bashkatdhetarët tanë, e ku janë regjistruar mbi 50 mijë qytetarë.
Gjithashtu, qytetarë të shumtë janë ankuar se gjatë procesit të regjistrimit, po tejkalohet pyetja e përkatësisë fetare.

Për këtë, Kastrati për KosovaPress është përgjigjur se qytetari mund të mos deklarohet, por pyetjet duhen lexuar.

Në një rast ku një qytetar ishte ankuar, Kastrati potencoi se kur është hulumtuar rasti, është vërtetuar që qytetari është pyetur, por nuk ka dashur të deklarohet.

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera