Lajme

Ashpërsimi i masave kundër COVID-19, shpjegimi i ministrit Vitia: Ky ka qenë alarmi kryesor

Autori: Gazeta inFokus 17:48 | 07 April 2021

Ministri i Shëndetësisë, Arben Vitia ka thënë se prania e shtuar e variantit britanik të infeksionit COVID-19, “ka qenë njëra nga bazat kryesore” e vendimit për ashpërsimin e masave anti-COVID për 11 ditët e ardhshme.

Në një konferencë për media, në të cilën është paraqitur përkrah Hekuran Muratit, ministrit të Financave, ministri Vitia ka deklaruar se varianti britanik është prezent në mbi 95 për qind të rasteve.

Imami që thoshte se koronavirusi është dënim nga Zoti: U shërova me lutje dhe medikamente

-Advertisement-

“Testimi për variantin britanik është bërë në fund të muajit mars kur janë mbledhur mostrat, ndërkaq ne raportin nga IKSHPK-ja e kemi marrë më 3 prill. Janë dërguar 147 mostra, nga të cilat 97.28 për qind kanë dal që janë nga varianti britanik. Kjo neve na konfirmon se në Kosovë tani varianti britanik është dominant në mbi 95 për qind”, ka deklaruar ministri Vitia.

Sipas Vitisë, prezenca e rritur e variantit britanik në rastet e reja të infektimeve ka alarmuar qeverinë e re. Është bërë bazë e rëndësishme para marrjes së vendimit për mbylljen 11 ditore.

“Dhe, natyrisht se ky ka qenë alarmi kryesor për ne sepse ky variant, përveçse shpërndahet më shpejtë, është më agresiv dhe prek edhe moshat e reja. Kjo ka qenë njëra nga bazat e marrjes së vendimeve të cilat i kemi marrë sepse tani nuk janë të rrezikuara vetëm moshat e shtyra”, ka thënë Vitia.

Ndërkaq, ministri i Financave, Hekuran Murati, ka bërë të ditur se ekzekutivi do të mbështesë sektoret e ekonomisë, të prekura nga mbyllja, me subvencionim të pagave dhe qirave.

Subscribe në YouTube: GAZETA INFOKUSI
E treta e verteta, shpallet fituesi I trete I Lojes Shperblyese se Artmotion?

Të tjera