Lajme

Asgjësohen mbi 1 mijë fidanë kanabis në Shkodër, 2 të arrestuar

Autori: Gazeta inFokus 11:32 | 26 May 2023

Dy persona janë arrestuar ditën e sotme në Shkodër në kuadër të operacionit “Alpe të Pastra” ndërsa janë sekuestruar 1437 rrënjë kanabisi.

Policia bën me dije se në pranga kanë rënë Myrto Lisaj 43 vjeç dhe Bashkim Fregjaj 53 vjeç, ndërkohë janë shpallur në kërkim babë e bir, L. F. dhe P. F

Në megaoperacion u përfshinë 80 forca policore dhe 6 dronë, ndërsa u asgjësuan 1437 fidanë cannabis sativa, nga të cilët 137 fidanë të kultivuar në kubikë dhe 1300 fidanë të kultivuar në tokë, në 2 ambiente të ndryshme.

-Advertisement-

Bazuar në inteligjencën informative dhe si rezultat i planit operacional për kontrollin e territorit dhe të zonave me risk për kultivimin e bimëve narkotike, në njësitë administrative Pult dhe Postribë, shërbimet e Policisë kanë kontrolluar 191 zona malore dhe zona të tjera me risk.

“Gjatë kontrolleve në territorin e fshatit Gjuran, njësia administrative Pult, dhe në territorin e fshatit Vilzë, njësia administrative Postribë, u evidentuan të kultivuara në tokë 1300 fidanë cannabis sativa dhe 137 fidanë të tjerë u evidentuan në kubikë, të gatshëm për t’u kultivuar në tokë. Fidanët narkotikë janë asgjësuar me anë të djegies, ndërsa një pjesë e vogël e tyre është sekuestruar në cilësinë e provës materiale”- njoftojn policia.

Specialistët për Hetimin e Krimeve të Komisariatit të Policisë Shkodër, në bashkëpunim me Prokurorinë, vijojnë hetimet e thelluara për identifikimin dhe kapjen e shtetasve të tjerë të implikuar në këtë veprimtari kriminale.

/Euronews Albania/

Subscribe në YouTube: GAZETA INFOKUSI
A prishet cilësia e gjumit nëse pini kafe në mbrëmje?
-Advertisement-

Të tjera

Fokusi

lajme