Lajme

Asamblisti i VV-së kritikon komunën për keqmenaxhim të buxhetit

Autori: Gazeta inFokus 16:15 | 05 Nëntor 2018

Asamblisti i Vetëvendosjes në Kuvendin Komunal të Podujevës, Fitim Muçolli ka kritikuar komunën për mosmenaxhim të mirë të buxhetit.

Muçolli përmes një postimi në facebook ka shkruar se komuna nuk ka ditur as të planifikoj e as të shpenzoj buxhetin, shkruan Infokus.

“Po e ndaj një shqetësim me ju si përfaqësues i juaj nga radhët e Lëvizjes Vetëvendosje në Kuvendin Komunal, lidhur me Raportin Financiar për periudhën janar-shtator 2018. Buxheti u nda ndërsa ne kishim dyshime se nuk do të përballonte të gjitha nevojat urgjente të cilat i kanë llapjanët. Por shqetësimet u rritën me publikimin e raportit financiar. Aty pamë se është shpenzuar vetëm 55.72 % e tij. Për periudhën janar-shtator, pra për 9 muaj është shpenzuar vetëm 55.72% e buxhetit. Kjo tregon për një mosmenaxhim të mirë të tij dhe rrezikun për keqpërdorim të tij në muajt e ardhshëm.”, ka shkruar ai.

-Advertisement-

Ndërsa rreth parave të shpenzuara Muçolli ka thënë se në investime kapitale janë shpenzuar vetëm 28% e buxhetit të planifikuar për këtë fushë.

“E ajo çfarë vërtetë kanë nevojë llapjanët janë investimet kapitale, ato janë e vetmja formë përmes së cilës qytetarët do të mund të përmirësonin standardin e tyre të jetesës. Planifikimi i buxhetit parashihte që në investime kapitale të shpenzoheshin 6 milionë e 489 mijë euro por janë shpenzuar vetëm 1 milionë e 859 mijë, pra vetëm 28% e buxhetit të planifikuar, kjo me të vërtetë është shqetësuese.”, ka shkruar Muçolli./Gazeta inFokus

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy