Lajme

Artistët shqiptarë sjellin në Itali krijimtarinë që bashkon dy brigjet e Adriatikut

Autori: Gazeta inFokus 14:23 | 26 Korrik 2017

Një grup artistësh shqiptarë që punojnë dhe jetojnë në vende të ndryshme të Evropës fundjavën e kaluar kanë organizuar dy shfaqje-koncerte në Itali, që synojnë bashkëpunimin kulturor mes dy brigjeve të Adriatikut.

Me nismën e skulptorit Kujtim Turkeshi fillimisht në Deruta, pranë Peruxhas dhe një ditë më pas në “Oratorio dei Pellegrini” në Asizi, një grup artizanësh vendas të vazove të majolikës u bënë objekt dhe subjekt i koncertit të instrumentistëve të familjes Vlashi. Lidhjet e hershme mes krijuesve të të dy vendeve gjetën një formë të re në spektaklin e artistëve shqiptarë.

Floriani, Redi dhe Martini 13-vjeçar sollën pjesë nga partiturat e muzikantëve nga Iliria e Shqipëria antike dhe mesjetare si, Niketë Dardani (vitet rreth 335-rreth 380) me “Te Deum Laudanus”, më pas Gjergj Lapacaja (1495-1564) me “Codex” dhe Viktor Carpaccio (1465-1525/6) me “Kodikët-nga manastiri i Shën Jeronimit”. Ndërkaq, çdo tingull ishte vënë në dispozicion të mjeshtrave të majolikës, që drejtoheshin nga artisti durrsak, Kujtim Turkeshi, shkruan atsh.

-Advertisement-

Të pranishmit duartrokitën gjatë interpretimin e artistëve që jetojnë dhe punojnë në Korunja (Spanjë) edhe për ekzekutimin e veprave të kompozitorit italian, Tomaso Albinoni (1671-1750). Më pas, drejtuesit lokalë, në një takim të veçantë, kërkuan bashkëpunimin e mëtejshëm të artistëve shqiptarë me qytetin italian të Derutas dhe Asizit, në përgatitjen e një Festivali me tema të përbashkëta. /KultPlus.com

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy