Lajme

Artane Rizvanolli: Jemi duke punuar ta zgjidhim çështjen e mospagesës së rrymës në veri

Autori: Gazeta inFokus 11:21 | 20 January 2022

Ministrja e Ekonomisë, Artane Rizvanolli, ka folur para deputetëve në seancën që po mbahet për rritjen e çmimit të energjisë tha se subvencioni i qeverisë ia ul profitin KEDS e KESCO.

Po ashtu ajo tha se janë duke punuar për të gjetur zgjidhje për mospagesën e rrymës në veri të Kosovës.

“Ne kemi ofruar 75 milionë euro subvencion që i bie pak më shumë se gjysma e kërkesës së bërë nga ZRrE-ja. Asnjë cent i subvencionit nuk shkon në xhepat e KEDS e KESCO. Duke bërë subvencionin KEDS dhe KESCO-s i ulet profiti sepse nga subvencioni s’mund të kenë fitim. Për pagesën në veri jemi duke u munduar që ta zgjidhim çështjen përkundër një marrëveshje jo shumë të mirë që na keni lënë”, tha ajo.

-Advertisement-

Ajo tha po ashtu se qeveria nuk propozon e as nuk miraton tarifat e bordit të ZRrE-së.

“Qeveria as nuk propozon as nuk miraton as tarifat e as raportet e as vendimet e bordit të ZRrE-së, i cili është institucion i pavarur. Komentet do t’i adresojmë siç parashihet me ligj dhe ju ftojmë edhe juve për komentet që i keni. Përmes instrumenteve që i kemi, do të ju dalim në ndihmë qytetarëve sidomos atyre që e racionalizojmë rrymën”, tha Rizvanolli në kuvend.

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
-Advertisement-

Të tjera

Fokusi

lajme