Lajme

Arsyetimi i Muratit pse u ndanë vetëm nga 100 euro: Të njëjtën shumë e ndau edhe Franca

Autori: Gazeta inFokus 14:58 | 26 April 2022

Ministri i Financave, Hekuran Murati, sot është deklaruar në Komisionin për Buxhet, Punë dhe Transfere.

Ai gjatë deklarimit të tij ka thënë se ndihmat prej 100 eurot e ndara për secilin qytetarë mund të mos i zgjidhin shumë nevoja familjare, por do të ndihmonin ato.

Po ashtu ai foli edhe për mundësinë e tërheqjes së mjeteve nga Trusti, për të cilat tha se nuk do t’i ndihmonte familjet në nevojë.

Madje sipas tij, “ato mund të pësojnë nga inflacioni për shkak të qarkullimit të kapitalit”.

“Franca ka ndarë nga 100 euro për familje, ani pse atje rroga e kalon 2-mijëshin”, deklaroi Murati në komision.

Sipas tij, rritja më e madhe e të hyrave është nga Administrata Tatimore e Kosovës (ATK). Sipas tij, kjo nënkupton që ka formatizim më të madh të ekonomisë në mbledhjen e taksave. Është shtuar edhe mbledhja e të hyrave nga tatimi në korporata”.

Etiketa:

Të tjera

Fokusi

lajme