Lajme

Arritja e marrëveshjes në Bruksel, ja si mburret Kurti

Autori: Gazeta inFokus 14:29 | 30 Shtator 2021

Pas takimeve dy ditore në Bruksel u arrit marrëveshja në mes të Kosovës dhe Serbisë për targat.

Në lidhje me këtë ka reaguar edhe kryeministri, Albin Kurti i cili ka thënë se meqë targave të Kosovës iu heqen simbolet në Serbi njejtë do të jetë edhe për targat që duan të hyjnë në Kosovë nga Serbia.

Sipas të parit të ekzekutivit përfundimisht është vendosur reciprociteti në targa.

-Advertisement-

“Reciprociteti i targave të automjeteve është vendosur. Meqë targave të Republikës së Kosovës në Serbi do t’iu mbulohet simboli shtetëror, të gjitha targave të Serbisë pa dallim do t’iu mbulohet po ashtu simboli i tyre në territorin e shtetit tonë”, shkruan Kurti.

Po ashtu ai ka thënë që meqë do të largohen barrikadat në Jarinje dhe në Bërnjak as njësitë speciale nuk do të vazhdojnë të qëndrojnë në këtë pjesë.

“Njësia Speciale e Policisë së Kosovës ka shkuar në Jarinje dhe Bërnjak më 20 shtator për të mbrojtur vendkalimet dhe policinë kufitare nga bllokuesit e rrugëve dhe qarkullimit të lirë. Meqë ata do të largohen, njësia jonë speciale nuk ka pse qëndron atje, dhe mbetet gjithnjë e gatshme për ndërhyrje në çfarëdo cenimi të njëjtë apo të ngjashëm në të ardhmen. Natyrisht, policia jonë kufitare në vijim do të zbatojë reciprocitetin e targave. KFOR-i do të qëndrojë aty, rreth dy javë, që gjithçka të jetë e sigurt”, ka thënë kryeministri.

Derisa ai ka thënë se nuk janë pranuar katër kushtet që kishte vendosur Presidenti i Serbisë, Aleksandar Vuçiq.

“Në javën e shkuar, Presidenti i Serbisë vuri katër kushte për takimin në Bruksel të përfaqësuesve tanë. Natyrisht që nuk ju plotësuan ato dhe dje u zhvilluan bisedimet në Bruksel. Tash fillon epoka kur Serbia nis e mësohet me reciprocitet”, përfundon Kurti.

Këto ishin pikat e marrëveshjes për targat që u arrit dje në Bruksel në mes të Kosovës dhe Serbisë./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy