Lajme

Arrinë në 20 numri i të arrestuarve në protestën e PD-së

Autori: Gazeta inFokus 16:15 | 08 January 2022

Ka shkuar në 20 numri i protestuesve të shoqëruar pas tubimit të Sali Berishës që degjeneroi në dhunë në selinë e PD-së.

Një pjesë e personave të shoqëruar janë vëzhguar nga agjentët e policisë, civilë që ishin pranë vendit të ngjarjes në momentin që shqyen derën kryesore, thyen xhamat, shkatërruan kamerat dhe u ngjitën në katin e dytë me shkallë.

Drejtuesja e prokurorisë së Tiranës Elisabeta Imeraj me grupin hetimor dhe drejtuesit e policisë së Tiranës ndodhen në selinë e PD-së për të mbledhur provat për të çuar përgjegjësit e dhunës përpara drejtësisë, shkruan Abcnews.

-Advertisement-

Ditën e sotme pas më shumë se tre orësh protestë dhe dhunë, Sali Berisha u tërhoq duke mbyllur tubimin me premtimin se do të rikthehet sërish deri në arritjen e qëllimit final që është largimi i Lulzim Bashës nga zyra.

Subscribe në YouTube: GAZETA INFOKUSI

Të tjera

Fokusi

lajme