Lajme

Arrijnë në Kosovë fletëvotimet për zgjedhjet lokale

Autori: Gazeta inFokus 15:14 | 07 October 2021

Fletëvotimet për zgjedhjet lokale të 17 tetorit kanë arritur në Kosovë.

Këtë e ka konfirmuar zëdhënësi i Komisionit Qendror Zgjedhor, Valmir Elezi për Gazetën Infokus.

Më herët, Komisioni Qendror i Zgjedhjeve ka marrë vendim për numrin e fletëvotimeve që do të shtypen për zgjedhjet për Kryetarë të Komunave dhe për Kuvende Komunale.

-Advertisement-

Vendimi i KQZ-së mbështetët në listën përfundimtare të votuesve, sipas të cilës për zgjedhjet lokale të 17 tetorit, numri i qytetarëve me të drejtë vote brenda vendit është: 1 milion e 885 mijë e 448 votues.

“Për zgjedhjet për Kryetarë të Komunave janë shtypur 1 milion e 698 mijë e 600 fletëvotime, ndërsa për zgjedhjet për Kuvende Komunale janë shtypur po ashtu 1 milion e 698 mijë e 600 fletëvotime. Pra, numri i përgjithshëm i fletëvotimeve që do të shtypen për dy llojet e zgjedhjeve të 17 tetorit është: 3 milion e 397 mijë e 200 fletëvotime”, ka thënë Elezi.

Sipas vendimit të KQZ-së, janë shtypur 186 mijë e 848 fletëvotime më pak se votues apo në përqindje 9,91 % dhe kjo është një praktikë e ndjekur edhe në proceset e kaluara zgjedhore.

Në zgjedhjet e fundit, ato parlamentare që u mbajtën në muajin shkurt, KQZ-ja kishte shtypur rreth 178 mijë fletëvotime më pak se numri i votuesve. /Gazeta Infokus/

Subscribe në YouTube: GAZETA INFOKUSI
Marsi sjell Magji në ETC

Të tjera