Lajme

Arrestohet një prift në Leposaviq, EULEX-i i ‘shqetësuar’, po pengon dëbimin e tij për Serbi

Autori: Gazeta inFokus 15:05 | 20 Tetor 2023

Policia e Kosovë sot gjatë ditës ka arrestuar një prit qe ishte duke shërbyer në kishën e Leposaviqit.

Burime të gazetës Infokus kanë bërë të ditur se arrestimi i tij është bërë me qellim të depërtimit për në Serbi për shkak se i njëjti nuk kishte lejeqëndrim dhe nuk ishte i larmuar tek organet kompetente sipas procedurave ligjore.

Por ky vendim ka nxitur reagimin e menjëhershëm të EULEX-it të cilët kanë “zbarkuar” në Prishtinë, fillimisht në Ministrinë e Punëve të Brendshme, e në këto momente kanë shkruar në polici ku po interesohen për arrestimin dhe të gjitha procedurave qe janë zhvilluar deri me tani për arrestimin dhe dëbimin e priftit.

-Advertisement-

Burime brenda policisë së Kosovë kanë bërë të ditur se policia e EULEX-it po kundërshtojnë ashpër arrestimin e tij dhe po tentojnë ta pengojnë dëbimin për në Serbi.

“Fillimisht kanë shkuar në MPB, pastaj në zyrën për të huaj qe është në kuadër të ministrisë, ndërsa tani janë në polici. Po interesohen si ka ardhur deri të arrestimi dhe po tentojnë me pengu depërtimin e tij për në Serbi. Prej kur kanë ardhur po vërehet një shqetësim i tyre dhe po zhvillojnë takime intensive me personat përgjegjës. Prifti aktualisht është në mbajtje dhe ka vendim për dëbim jashtë shtetit të Kosovës”, kanë thënë për Infokusi burime nga policia.