Lajme

Arrestohet një polic në Gjakovë, dyshohet për dhunimin e një gruaje

Autori: Gazeta inFokus 13:43 | 28 November 2023

Inspektorati Policor i Kosovës e ka arrestuar sot një zyrtar policor në Gjakovë, nën dyshimin se i njëjti ka kryer veprat penale “ngacmim” dhe “dhunim”.

IPK-ja ka bërë të ditur se dy ditë më herët kishte pranuar informacione nga policia dhe ankuesja e cila e ka denoncuar rastin në të cilin zyrtari policor dyshohet se ka kryer veprime të kundërligjshme.

“Bazuar në veprimet fillestare hetimore dyshohet se zyrtari policor ka shantazhuar viktimën në këtë rast përmes disa fotove dhe video incizimeve”.

-Advertisement-

“Pas pranimit të këtyre informacioneve, hetuesit e IPK-së në koordinim me prokurorinë  kanë ndërmarrë veprime hetimore pas të cilave zyrtari policor  i dyshuar në këtë rast është arrestuar kurse nga prokurori kompetent i është caktuar masa e ndalimit për 48 orë”, thuhet në njoftimin e IPK-së, transmeton Klankosova.tv.

Më tej, bëhet e ditur se hetuesit e IPK-së në koordinim të plotë me Prokurorinë e Shtetit do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me rastin.

Subscribe në YouTube: GAZETA INFOKUSI
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

lajme