Lajme

Arrestohet një person për falsifikim të dokumenteve në Pejë

Autori: Gazeta inFokus 17:23 | 22 August 2019

Është arrestuar një person që bënte falsifikim të dokumenteve. Lajmin e ka bërë të ditur Policia e Kosovës me anë të një komunikate zyrtare.

Personi është mashkull K/Shqiptar i lindur në vitin 1965 me inicialet K.G.

Të dyshuarit i është caktuar masa e paraburgimit prej 48 orëve.

-Advertisement-

Kjo është komunikata e plotë e Policisë:

Policia e Kosovës, konkretisht Njësia Rajonale për Hetimin e Krimeve Ekonomike dhe Korrupsionit – Pejë ka pranuar informacione se një person i dyshuar ka bërë falsifikimin e një dokumenti personal.

Pas pranimit të këtyre informacioneve, menjëherë është filluar me procedurat e nevojshme për hetim të rastit, me ç’rast edhe është kryer arrestimi i personit të dyshuar.

Personi i arrestuar dyshohet se ka falsifikuar një patentëshofer të Republikës së Sllovenisë dhe të njëjtin dokument e ka përdorur për t’i vënë në lajthim autoritetet kompetente për paisje me patentë shofer të Republikës së Kosovës.

Personi i dyshuar i arrestuar është:

· K. G viti i lindjes 1965 M K/Shqiptar

Lidhur me rastin, nga i lartëcekuri është konfiskuar një patentë shofer i Republikës së Kosovës dhe në konsultim me prokurorin kompetent, të njëjtit i është caktuar masa e ndalimit për 48 orë.

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik

Të tjera