Lajme

Arrestohet një person në Gjilan për armëmbajtje pa leje

Autori: Gazeta inFokus 14:20 | 13 January 2024

Policia ka njoftuar se ka arrestuar një person në Gjilan, pasi gjatë kontrollit të të njëjtit, në çantën e krahut ka gjetur dhe konfiskuar një revole, një karikator dhe shtatë fishekë, të gjitha këto pa leje.

Policia ka njoftuar se ndaj të dyshuarit është caktuar masa e ndalimit për 48 orë.

“Me datën 13.01.2024 rreth orës 08:30 patrulla policore e Stacionit Policor Gjilan gjatë kontrollit rutinë në rrugën ‘’Raif Halimi’’ në qytetin e Gjilanit ka ndalur një veturë me targa vendore. Gjatë kontrollit tek pasagjeri i kësaj veture A.K. (viti i lindjes 1988, mashkull kosovar shqiptar) në çantën e krahut ka gjetur dhe konfiskuar një (1) revole të llojit Zastava e kalibrit 7.65 mm, një (1) karikator dhe shtatë (7) fishekë, të gjitha këto pa leje”.

-Advertisement-

“I dyshuari është arrestuar dhe shoqëruar në Stacionin Policor Gjilan ku është intervistuar në bazë të procedurave ligjore. Në lidhje me rastin është njoftuar Prokurori i Shtetit i cili ndaj të dyshuarit ka lëshuar masën e ndalimit për 48 orë dhe ndaj ti do të ngritët kallëzim penal për veprën penale “Mbajtja në pronësi, kontroll ose posedim të paautorizuar të armëve”, thuhet në njoftimin e policisë.

Subscribe në YouTube: GAZETA INFOKUSI