Lajme

Arrestohet një i mitur në Viti, sulmoi fizikisht familjarët e tij

Autori: Gazeta inFokus 09:35 | 16 May 2022

Një i mitur është arrestuar në Viti, pasi dyshohet se ka sulmuar fizikisht nënën dhe familjarët e tij, shkruan Gazeta Infokus.

Sipas policisë, rasti ka ndodhur të dielën rreth orës 23:30 e ku thuhet se nënës së të dyshuarit i është ofruar tretman mjekësor, ndërkaq gjatë kontrollit, të riut i janë gjetur edhe substanca narkotike.

“Është arrestuar i dyshuari mashkull kosovar – i mitur, nën dyshimin se i njëjti ka ushtruar dhunë fizike ndaj viktimës femër kosovare-nënës së tij dhe anëtarëve tjerë të familjes, Sipas viktimës, i dyshuari-djali i saj ka filluar që t’ia vjedhë edhe stolit e arit, pasi që është edhe përdorues i narkotikëve. Viktima ka pranuar tretman mjekësor, ndërsa te i dyshuari njësitet policore gjatë kontrollit kanë gjetur dhe konfiskuar një cigare të mbështjellë e cila dyshohet të jetë kanabis-sativa”, thuhet në njoftimin 24 orësh të Policisë së Kosovës.

-Advertisement-

Me vendim të prokurorit, i dyshuari pas intervistimit, në prezencë të avokatit mbrojtës dhe punëtorit të QPS-së, është dërguar në mbajtje./Gazeta Infokus/

Subscribe në YouTube: GAZETA INFOKUSI