Lajme

Arrestohet një çift në Ferizaj, deklaruan rrejshëm se dikush i sụlmoi me thịkë, e lëndimet ia shkaktuan vet njëri-tjetrit

Autori: Gazeta inFokus 09:34 | 31 October 2024

Policia e Kosovës ka njoftuar për arrestimin e një çifti bashkëshortor në Ferizaj, shkruan Gazeta Infokus.

Sipas njoftimit të policisë, ky çift kishin deklaruar rrejshëm se janë sulmuar me thikë nga një grua.

Mirëpo, gjatë hetimeve ka rezultuar se deklaratat e tyre ishin të rreme dhe se lëndimet i kanë shkaktuar njëri-tjetrit në banesën e tyre.

-Advertisement-

“Pas hetimeve të zhvilluara lidhur me rastin gjatë intervistimit të viktimave (çift bashkëshortor), të cilët paraprakisht kishin deklaruar se janë sulmuar nga një femër e panjohur me thikë gjatë hetimeve është vërejtur se deklarimet e tyre kanë qenë të rreme dhe lëndimet i kanë shkaktuar njëri-tjetrit në banesën e tyre”, thuhet në raportin 24 orësh të policisë.

Motivi i rastit nuk dihet derisa me vendim të prokurorit të njëjtëve u është ndërruar statusi nga viktima, në të dyshuar e ku janë arrestuar dhe pas trajtimit mjekësor janë dërguar në mbajtje./Gazeta Infokus/