Policia franceze ka arrestuar një 33-vjeçar të dyshuar për vrasjen e gruas dhe katër fëmijëve të tij. Hetimi filloi pasi pesë trupat u gjetën në një banesë në Meaux, 40 kilometra në verilindje të Parisit. Viktimat janë një grua dhe katër fëmijët e saj të moshave nga nëntë muaj deri në 10 vjeç.

Prokurori Jean-Baptiste Bladier ka përshkruar skenën e “dhunës ekstreme” kur policia arriti në banesë, të mbushur me gjak në vendngjarje.

Në banesë nuk shihej asnjë shenjë e thyerjes dhe babai i fëmijëve nuk ishte i pranishëm, ka thënë prokurori në një konferencë për media të martën.

-Advertisement-

Alarmi u ngrit pasi një fqinje kishte tentuar të afrohej disa herë me familjen dhe kishte vënë re se diçka nuk ishte në rregull kur pa se roletat ishin ulur. Ajo ka treguar për mediat franceze se kishte gjetur gjak në dorezën e derës dhe para derës dhe më pas ka thirrur policinë.

Policia e gjurmoi të dyshuarin duke përcjellë pamjet e kamerave dhe duke e arrestuar në shtëpinë e babait të tij në Sevran aty pranë.

Bladier ka theksuar se i dyshuari ishte i njohur për policinë për shkak të një rasti të mëparshëm të dhunës në familje, edhe pse nuk kishte precedent penal. Në vitin 2019, një muaj para lindjes së fëmijës së tretë të çiftit, i dyshuari kishte sulmuar me thikë partneren e tij, sipas prokurorit.

Shërbimi i policisë gjyqësore të Versajës po heton vrasjet. Bladier ka theksuar se nëna dhe dy vajzat e saj më të mëdha të moshës 10 dhe 7 vjeç kishin pësuar “numër të madh plagësh me thikë”.

Dy më të vegjlit, një djalë katër vjeç dhe një foshnjë nëntëmuajshe, nuk kishin asnjë plagë të dukshme në trup dhe “kishin humbur jetën nga asfiksia ose përmbytja”. Ekzaminimet do të bëhen të mërkurën.

Fqinjët kanë thënë se nëna 35-vjeçare ishte “e mirë dhe fliste me të gjithë”. Një grua ka deklaruar për burrin se kishte qenë i qetë, por disi i dyshimtë. Ajo ka thënë se gruaja kishte folur për depresionin e burrit të saj pas humbjes së punës. Fqinjët gjithashtu kanë thënë se i dyshuari ishte “nën trajtim”. Pas sulmit në vitin 2019, nëna nuk ngriti padi dhe çështja u zbeh për shkak të shëndetit mendor të partnerit të saj në atë kohë. Bladier ka thënë se gjatë kontrollit të banesës, u gjetën dokumente që tregojnë se ai ishte shtrirë në një spital psikiatrik në vitin 2017 dhe një recetë për qetësues.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-