Lajme

Arrestohet në Australi një agjent i Koresë së Veriut

Autori: Gazeta inFokus 20:00 | 17 December 2017

Një burrë është arrestuar nga policia australiane në Sidnei, pasi dyshohet se vepronte si agjent ekonominë për Korenë e Veriut.

Chan Han Choi, 59 vjeç, është akuzuar për ndërmjetësimin e eksporteve ilegale nga vendi dhe për të diskutuar furnizimin me armë të shkatërrimit në masë. Policia pretendon se ai ka thyer sanksionet e OKB dhe Australisë.

Rasti kundër Chan, i cili ka jetuar në Australi për më shumë se 30 vjet, është i pari i këtij lloji në vend.

-Advertisement-

Kjo është hera e parë që dikush është akuzuar nën Ligjin e Armëve të Shkatërrimit në Masë të vitit 1995 (Parandalimi i Proliferimit).

Policia thotë se kishte dëshmi se Chan kishte qenë në kontakt me “zyrtarë të lartë në Korenë e Veriut”.

Ata pretendojnë se kishte ndërmjetësuar shërbime në lidhje me programin e armëve, duke përfshirë shitjen e shërbimeve të specializuara, teknologjinë e raketave balistike për entitetet e huaja, në mënyrë që të gjeneronte të ardhura për regjimin korean.

Chan gjithashtu u ngarkua me ndërmjetësimin e shitjes së thëngjillit nga Koreja e Veriut në grupe në Indonezi dhe Vietnamin. Ai është përballur me gjashtë akuza në total pasi u arrestua në shtëpinë e tij të shtunën në mbrëmje.