Lajme

Arrestohet në aeroport një i dyshuar për marrje të ryshfetit lidhur me votimin

Autori: Gazeta inFokus 09:16 | 31 Tetor 2021

Policia njofton për arrestimin e një të dyshuari në aeroportin e Prishtinës, për dhënie ose marrie të ryshfetit në lidhje me votimin.

Sipas policisë, i njëjti dyshohet se së bashku me persona tjerë ka tentuar të dërgojnë kopje të dokumenteve personale të personave të ndryshëm dhe një listë me emra dhe mbiemra të personave të cilët jetojnë jashtë vendit (votues nga diaspora).

Me vendim të prokurorit, i dyshuari është dërguar në mbajtje.

-Advertisement-

Njoftimi i plotë i policisë:

DHËNIA OSE MARRJA E RYSHFETIT NË LIDHJE ME VOTIMIN /ANP Adem Jashari (NN) 29.10.2021 – 19:15. Pas veprimeve hetimore lidhur me rastin është identifikuar dhe arrestuar edhe një person tjetër i dyshuar mashkull kosovar i cili dyshohet se së bashku edhe me persona tjerë ka tentuar të dërgojnë kopje të dokumenteve personale të personave të ndryshëm dhe një listë me emra dhe mbiemra të personave të cilët jetojnë jashtë vendit (votues nga diaspora). Lidhur me rastin, me aktvendim të prokurorit kujdestar, të dyshuarit i është caktuar masa e ndalimit policor për 48 orë.