Lajme

Arrestohet mbikëqyrësi në burgun e Dubravës, dyshohet se mori afër 2 mijë euro ryshfet nga të burgosurit

Autori: Gazeta inFokus 17:07 | 30 June 2023

Drejtoria për Hetimin e Krimeve Ekonomike dhe Korrupsionit (DHKEK), ka realizuar dy operacione policore, në dy raste të veçanta, ku janë arrestuar tre të dyshuar.

Në mesin e tyre është një mbikëqyrës në Qendrën Korrektuese Dubravë, i cili dyshohet se në katër raste ka marrë ryshfet në vlerë të 1 mijë e 880 eurove, në këmbim të ofrimit të disa favoreve ndaj të burgosurve.

I njëjti dyshohet se ka kryer veprat penale ‘keqpërdorimi i pozitës apo autoritetit zyrtar’ dhe ‘marrja e ryshfetit’.

-Advertisement-

“Sot, më 30.06.2023, është zbatuar urdhri i lëshuar nga Gjykata Themelore Pejë, ku është kontrolluar prona e të dyshuarit Sh.G., (mbikëqyrës në Qendrën Korrektuese Dubravë). Ai dyshohet se në katër raste ka marrë ryshfet (1880 euro), në këmbim të ofrimit të disa favoreve ndaj të burgosurve”, thuhet në njoftimin për media.

Pas përfundimit të kontrollit i dyshuari është shoqëruar për intervistim në prezencë të avokatit mbrojtës dhe me vendim të prokurorit kompetent, të njëjtit i është caktuar masa e ndalimit policor prej 48 orë.

Subscribe në YouTube: GAZETA INFOKUSI