Policia e Rajonit të Prishtinës, respektivisht zyrtarët e Njësitit të Reagimit të Shpejtë, sot rreth orës 18:30, në rrugën “Hys Popova” në Prishtinë, kanë ndaluar një veturë me targa të Kosovës dhe pas një kontrolli që i është bërë personit dhe veturës, kanë arritur që të gjejnë dhe të sekuestrojnë disa gjëra, shkruan Gazeta Sinjali.

Sipas njoftimit të tyre aty është sekuestruar një revole e tipit EKOL Jackal Dual Commpact, karikatori me dymbëdhjetë fishekë si dhe një thikë.

Policia njofton se i dyshuari është P.M. mashkull 26 vjeç, shtetas i Republikës së Kosovës.

Ai është shoqëruar në stacionin policor dhe ndaj tij është iniciuar rasti për mbajtje në pronësi, kontroll ose posedim të pa autorizuar të armës.