Lajme

Arrestohet 20 vjeçari për vjedhje të rëndë në Ferizaj

Autori: Gazeta inFokus 09:56 | 27 December 2024

Një 20-vjeçar është arrestuar për një rast të vjedhjes së rëndë që ndodhi në Ferizaj.

Ngjarja ka ndodhur më 24 dhjetor, rreth orës 01:45, në rrugën “Ilir Konushevci”, ku nga një veturë Mercedes u vodh një pistoletë, 21 fishekë dhe disa sende personale.

Pas hetimeve dhe analizimit të kamerave të sigurisë, dje në mbrëmje, rreth orës 19:00, policia arrestoi të dyshuarin me inicialet E.P. në banesën e tij.

-Advertisement-

Gjatë kontrollit u gjetën fishekët dhe disa sende që i përkisnin viktimës.

“I dyshuari E.P. është intervistuar në prani të avokatit mbrojtës, dyshohet edhe për disa vepra të tjera dhe me vendim të prokurorit është ndaluar për 48 orë për procedura të mëtejshme hetimore”, thuhet tutje  në raportin e policisë.

Subscribe në YouTube: GAZETA INFOKUSI
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

lajme