Lajme

Arrestohen tre persona të dyshuar për grabitje të armatosur

Autori: Gazeta inFokus 15:06 | 23 June 2017

Policia e Prishtinës, në bashkëpunim me njësitin e stacionit Policor të Vushtrrisë ka ndaluar një veturë të tipit Mercedes, me targa të huaja, ku ka arrestuar 3 persona të dyshuar, dy prej të cilëve dyshohet të jenë të përfshirë në një rast të grabitjes së armatosur.

Ndërsa i dyshuari i tretë që ndodhej po në të njëjtin automjet është arrestuar pasi që ndaj tij policia kishte një urdhër arrest, transmeton Klan Kosova.

Gjatë kontrollimit të automjetit policia ka gjetur dhe konfiskuar: një armë të tipit Ecol Special, 5 fishekë (9 mm) dhe gjithashtu është konfiskuar edhe automjeti (Mercedes), i cili aktualisht po ekzaminohet nga njësitet përkatëse.

-Advertisement-

Personat e dyshuar janë I.A (20 vjeçar) dhe Q.B (17 vjeçar) të cilët me rekomandimin e Prokurorit të shtetit, janë dërguar në qendrën e mbajtjes.

Ndërkohë që hetuesit policor kanë zgjeruar rrethin e hetimeve pasi që nga puna e kryer deri tani, janë ngritur dyshime se po të njëjtit persona mund të jenë të përshirë edhe në raste të tjera të natyrës së njëjtë(grabitje).

Ndërsa i dyshuari L.L (18 vjeçar) i është dorëzuar stacionit policor të Vushtrrisë për veprime të mëtejme.

Subscribe në YouTube: GAZETA INFOKUSI