Lajme

Arrestohen katër persona të dyshuar për grabitje në tentativë

Autori: Gazeta inFokus 06:53 | 01 Shtator 2022

Hetuesit e Njësitit të hetimeve të Përgjithshme -Prishtinë, kanë arrestuar katër persona të dyshuar për veprën tentim grabitje, si dhe është sekuestruar një armë zjarri.

Operacionet janë realizuar në dy lokacione të ndryshme, në fshatin Jezerc dhe në Prishtinë, ku janë arrestuar personat e dyshuar, të cilët dyshohet se janë përfshirë në një tentim grabitje, e cila ka ndodhur me datë 23 qershor 2022, në zyrat e një poste në fshatin Mazgit të Obiliqit.

Personat e arrestuar : F.C, 31 vjeç,R.A, 32 vjeç, K.Sh, 27 vjeç dhe Z.Z, 21 vjeç.

-Advertisement-

Me vendim të prokurorit janë dërguar në mbajtje.

“Polica e ka ndërmarrë këtë aksion në kuadër të intensifikimit të masave të marra në drejtim të garantimit të rendit dhe sigurisë publike si dhe goditjes së individëve dhe grupeve kriminale kanë organizuar punën e tyre me fokus të veçantë zbardhjen e veprave kriminale, identifikim dhe arrestimin e të dyshuarve të implikuar në ngjarjet kriminale”, njofton Policia e Kosovës.