Lajme

Arrestohen dy kosovarë në Shëngjin, u kapën duke shitur dro*gë – një tjetër shpallet në kërkim

Autori: Gazeta inFokus 10:30 | 11 June 2025

Policia e Shtetit në Shqipëri ka realizuar një operacion të koduar “Kamuflimi”, për goditjen e veprimtarisë kriminale të shitjes së lëndëve narkotike, në doza.

Me këtë rast janë identifikuar 4 persona, tre shtetas të Kosovës dhe një shtetas francez, që shitnin doza të lëndëve të ndryshme narkotike, në zonat e frekuentuara nga pushuesit në Shëngjin.

Policia bëri me dije se dy shtetas të Kosovës dhe një francez janë arrestuar në flagrancë, kurse i katërti, po ashtu shtetas kosovar, është vënë në kërkim.

-Advertisement-

Gjatë operacionit, policia tha se “janë sekuestruar doza kokaine dhe kanabisi, kanabis në trajtë çokollate, MDMA, ekstazi, kërpudha halucinogjene, 1 automjet dhe 3 celularë që dyshohet se përdoreshin për këtë veprimtari kriminale”.

Shtetasit kosovarë të arrestuar janë A. G., 21 vjeç dhe E. T., 28 vjeç, të dy banues në Kosovë, ndërsa është arrestuar edhe shtetasi francez S. B., 43 vjeç, banues në Francë.

Po ashtu, në kërkim është shpallur shtetasi tjetër kosovar A. G., 30 vjeç, banues në Kosovë.

“Nga hetimet dyshohet se këta shtetas, në bashkëpunim me njëri-tjetrin, shitnin doza të lëndëve të ndryshme narkotike në zonat turistike të Shëngjinit”, ka thënë Policia e Shtetit.

Sipas njoftimit, thuhet se nga këqyrja e celularëve të sekuestruar, u gjetën komunikime të këtyre shtetasve për organizimin e kësaj veprimtarie kriminale.

Policia tha se po vijon puna për kapjen e shtetasit të shpallur në kërkim dhe për identifikimin e shtetasve të tjerë që mund të jenë përfshirë në këtë veprimtari kriminale.

Subscribe në YouTube: GAZETA INFOKUSI
GP Aviation dhe PrishtinaTicket me fluturime direkte dy herë në javë drejt Parisit!
-Advertisement-

Të tjera

Fokusi

lajme