Lajme

Arrestimi i Dritan Goxhaj nga Specialja, reagon Klinaku: U bë për t’i frikësuar njerëzit

Autori: Gazeta inFokus 17:05 | 31 July 2023

Faton Klinaku nga OVL-UÇK ka reaguar pas arrestimit të ish-ushtarit të UÇK-së në Tiranë, Dritan Goxhaj.

Klinaku përmes një shkrimi në “Facebook” thotë se arrestimi i tij nga Specialja erdhi për t’i frikësuar njerëzit që e kundërshtojnë një gjykatë politike.

“Në Gjykatën Speciale është penguar drejtësia nga vet ajo, duke i rrjedhur dokumentet e saj, si dhe duke i publikuar “viktimat” e me këtë edhe dëshmitarët. Edhe arrestimi i Dritan Goxhaj, bëhet për t’i frikësuar njerëzit që e kundërshtojnë një gjykatë politike”, shkroi Klinaku.

-Advertisement-

Ndryshe, Gjykata Speciale e Hagës ka konfirmuar arrestimin në Tiranë të ish-pjesëtarit të UÇK-së, Dritan Goxhaj.

Siç bëhet e ditur në komunikatë, arrestimi i tij është bërë nën dyshimin për konsumimin e veprave penale që bien ndesh me administrimin e drejtësisë.

Në komunikatë theksohet se ndaj Goxhajt është lëshuar fletëarrest, teksa i njëjti do të mbahet i ndaluar në Shqipëri derisa të krijohen kushtet për transferimin e tij në Hagë.

Njoftimi i plotë nga Specialja:

Më 31 korrik 2023, autoritetet e Shqipërisë arrestuan z. Dritan Goxhaj në Tiranë. DHSK-ja kërkoi bashkëpunimin dhe ndihmën e autoriteteve shqiptare për arrestimin e z. Goxhaj dhe dorëzimin e tij në DHSK, mbi bazën e fletarrestimit të lëshuar nga një gjykatës i DHSK-së në lidhje me vepra penale kundër administrimit të drejtësisë që përfshijnë frikësim dhe pengim të personave zyrtarë në kryerjen e detyrave të tyre zyrtare. Z. Goxhaj do të mbahet i paraburgosur në Shqipëri në pritje të vendimit të autoriteteve shqiptare lidhur me transferimin e z. Goxhaj në objektin e paraburgimit të DHSK-së në Hagë.

Subscribe në YouTube: GAZETA INFOKUSI
Comodita Home dhe Prince Caffe: Sponsor të përgjithshëm të Sunny Hill Festival
-Advertisement-

Të tjera

Fokusi

lajme