Arratisja e Enver Sekiraqës/ Dështim i drejtësisë, kërkohet përgjegjësi
![](https://gazetainfokus.com/wp-content/uploads/2024/05/648379-arratisja-e-enver-sekiraqes-deshtim-i-drejtesise-kerkohet-pergjegjesi1-852x460.jpeg)
Autori: Gazeta inFokus
18:49 | 20 May 2024
I dyshuari kryesor për vrasjen e policit, Triumf Riza, Enver Sekiraqa, nuk është gjetur në shtëpinë e tij gjatë ditës së premte e as të shtunën e javës së kaluar. Policia e Kosovës, kishte shkuar për ta kërkuar atë në shtëpi, por nuk kanë hasur në të.
Gjykata e Apelit të premten, pas ankesës së Prokurorisë Speciale, kishte vendosur ta kthente Sekiraqën në paraburgim, pasi Themelorja më 3 maj ia kishte ndërprerë masën e arrestit shtëpiak, duke e lënë të mbrohej në liri.
Pas arratisjes së Enver Sekiraqës, për FrontOnline ka folur Shefqet Riza, babai i Triumf Rizës, policit i cili dyshohet se është vrarë nga Sekiraqa me 30 Gusht 2007.
Ai thotë se nuk e ka besuar se mundet me ndodhë kjo.
‘’Unë besoj se asnjë njeri normal nuk e ka paraparë këtë, nuk e ka pritë këtë’’ shprehet babai i policit të vrarë Riza.
Riza, thotë se kjo është punë e drejtësisë dhe se është e pakuptueshme të dërgohet në arrest shtëpiak e pastaj të arratiset.
‘’Mirë por kjo është e sistemit të drejtësisë, nëse ai çohet në burgim shtëpiak e të lirohet krejt është e pakuptueshme kjo’’, deklaron ai.
Shefqet Riza, për Front Online thotë se atij nuk i takon të flas për këtë çështje, duke thënë se i takon drejtësisë të merret me të.
‘’Mua nuk më takon, le të merren këta të drejtësisë. Ata le ta shqyrtojnë këtë çështje’’ potencon ai.
Riza, deklaron se diçka nuk është duke funksionuar mire në sistemin e drejtësisë rreth këtij rasti.
‘’Unë po e shoh se një hallkë nuk po funksionon mirë në sistemin e drejtësisë. Kjo e dëmton sistemin e drejtësisë’’ shton ai.
Për fund, babai i Triumf Rizës, ka vetëm një kërkësë që arrestohet Enver Sekiraqa.
‘’Kërkesa jonë është të arrestohet krimineli edhe asgjë tjetër’’ potencon ai.
Deputeti i VV-së: Arratisja e Enver Sekiraqës, dëmtim i imazhit të drejtësisë
Deputeti i VV-së, njëherit anëtar në Komisionin për Çështje të Sigurisë dhe Mbrojtjes, Enver Dugolli, arratisjen e Enver Sekiraqës, e ka quajtur dëmtim të imazhit të drejtësisë në vend dhe se për të do të duhej të kishte masë tjetër.
‘’Dëmtim i imazhit të drejtësisë. Dobësi e shfaqur në sistemin e drejtësisë që nuk kishim dëshiruar të ishte e tillë që një i dënuar nuk do të duhej ta kishte atë masë dhe tashmë ai nuk është i qasshëm për drejtësinë’’ shprehet Dugolli.
‘’Dështim, patjetër dështim’’, thotë deputeti Dugolli për FrontOnline lidhur me arratisjen e Sekiraqës.
Anëtari i Komisionit për Çështje të Sigurisë thotë se duke pare veprat e Sekiraqës, pesha e përgjegjësisë penale është e pazakontë.
‘’Nëse i shohim veprat për të cilat ka qenë i dënuar ai, pesha e përgjegjësisë penale është e pazakontë që të jepet një masë e tillë si arresti shtëpiak dhe të arratiset’’ përfundon ai.
Avokati Qerkini: Parandalimi i arratisjes është obligim i organave ligjzbatuese
Avokati Artan Qerkini, për FrontOnline thotë se parandalimi i arratisjes është obligim i organeve ligjzbatuese.
‘’Parandalimi i arratisjes është edhe obligim i organeve ligjzbatuese, megjithëse Gjykata kur jep denim afat-gjatë, gjithmonë ekziston rreziku që një person me ik’’, potencon Qerikini.
Ai thotë se në rastin e Sekiraqës, ai ka mundur të niset nga parimi se ka mundur të kërkoj lirim me kusht.
Po ashtu Qerkini, për FrontOnline, thotë se kur një gjykatë cakton denime afatë-gjatë, zakonisht cakton edhe paraburgim.
‘’Gjykata kur shqipton denime afat-gjate, zakonisht cakton paraburgim se rreziku arratisjes është i lartë’’, thekson ai.
![](https://gazetainfokus.com/wp-content/uploads/2023/08/Rakinice-Skenderaj.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...