Lajme

Armend Zemaj mbledh mjekët në Kliniken Infektive, kjo është arsyeja

Autori: Gazeta inFokus 09:40 | 15 October 2020

Ministri i Shëndetësisë, Armend Zemaj, në mëngjesin e së enjtes ka qëndruar në Kliniken Infektive.

Ai është takuar me drejtorin e SSHKUK-së, Valbon Krasniqi dhe me drejtoreshën e Klinikës Infektive, Lindita Ajazaj-Berisha si dhe stafin menaxhues të Infektives.
Zemaj ka thënë se temë e diskutimit ishte përgatitjet për muajt e ardhshëm, shkruan Gazeta Infokus.

“Bashkë me ushtruesin e detyrës të drejtorit të SSHKUK-së, dr.Valbon Krasniqi dhe me drejtoreshën e Klinikës Infektive, dr. Lindita Ajazaj-Berisha por edhe me stafin menaxhues, biseduam si të ecim tutje, në mënyrë që rrjedha e pandemisë në ditët dhe muajt në vijim mos të na zë të pa përgatitur”, ka shkruar ai.

Poashtu Ministri ka bërë të ditur që në vazhdim do të angazhohen edhe një numër i profesionistëve shëndtesor.

“Si ministër dhe si Qeveri e Kosovës, zotohemi se do të jemi afër në çdo kohë, vlen të ceket se u janë vazhduar kontratat edhe 200 punëtorëve shëndetësor dhe për tre muaj, po që përkrahja financiare për mantil bardhët do të vazhdoj edhe në muajt e ardhshëm”, ka shkruar Zemaj./Gazeta Infokus/

Të tjera