Armend Zemaj iu bashkohet mashtruesve, bëhet “Misionar i Paqes”
Autori: Gazeta inFokus 14:42 | 28 December 2020
I dekoruar “deri në dhëmbë”, ministri i Shëndetësisë në Kosovë, Armend Zemaj të hënën i është shtuar listës së personaliteteve kosovare që dyshohet se paguan mijëra euro për ta marrë një titull mashtrues “Misionar i Paqes” nga një organizatë e dyshimtë.
Para tij, me krenari kanë paraqitur para qytetarëve medaljet kinse të lëshuara nga Kombet e Bashkuara, edhe kryeministri Ramush Haradinaj, kryetari i Gjilanit Lutfi Haziri, kryetari i Pejës Gazmend Muhaxheri, e ai i Vitisë Sokol Haliti, shkruan gazeta inFokus.
LEXO EDHE: Lutfi Haziri i bashkohet mashtruesve të Kosovës
Të gjithë këta janë bërë “Misionar të Paqes”, dikush “Nelson Mandela”, e dikush “Martin Luther King”, pas Agim Shahinit, njeriut që dyshohet se mashtroi me mbi gjysmë milioni euro bankat kosovare dhe që së fundmi mori “Medaljen e Artë Aktivist i Shkëlqyer i Njerëzimit” nga po e njëjta organizatë mashtruese.
Misioni Diplomatik për Paqe dhe Prosperitet nga e cila Armend Zemaj e mori çmimin “Misionar i Paqes dhe zhvillimit Martin Luther King” dyshohet për shitje të titujve në emër të Organizatës së Kombeve të Bashkuara (OKB).
Sipas një hulumtimi të emisionit investigativ italian “Strisca la notizia”, del se kjo organizatë jep çmime me titujt si diplomatë të OKB-së në shkëmbim të 7 mijë eurove, shkruan gazeta inFokus.
Sipas emisionit protagonist i këtij skandalit është Shefki Hysa, një personazh i dyshuar për mashtrime, që mban një titull si guvernator i Misionit Diplomatik për Paqe dhe Prosperitet.
Hysa është bërë i njohur për media për shkak të aktiviteteve të tij të dyshimta duke shpërndarë tituj fiktiv si ‘Diplomat i OKB-së”, “Konsull Nderi i OKB-së e “Misionar i Paqes i OKB-së”, e madje posedim të tabelave diplomatike.
I njëjti të hënën shihet duke thurur lavde për ministrin Armend Zemaj, si ministri më i mirë në Kosovë dhe Ballkan kundër COVID-19, shkruan gazeta inFokus.
“Kemi nderin të kemi në mes nesh një personalitet që vjen nga një familje luftëtare, nga një familje heroinë e Kosovës, siç është familja e Tahir Zemajt. Armend Zemaj është nipi I tij, është jo vetëm një politikan, një ministër vërtetë model për Kosovën por do të thosha edhe më gjerë. Një ministër që ka ditur me inteligjencën e vet, me alturizmin e vet të luftoi këtë factor negativ që sot kemi nëpër këmbë”, ka thënë Hysa në ceremoninë e ndarjes së çmimit.
Ndërkaq, Zemaj ka pohuar se për të gjithë suksesin e arritur gjatë kësaj periudhe të vështirë për të gjithë popujt e botës, falënderim i veçantë i takon qytetarëve të Kosovës, mjekëve, profesionistëve shëndetësor, Policisë së Kosovës dhe të gjithë atyre që janë angazhuar në frontin e përbashkët kundër COVID-19.
Gazeta Infokus ka provuar të flas me Zemajn lidhur me çmimin dhe dyshimet për organizatën e cila e dekoroi atë, por ai nuk ka qenë I qasshëm.
Ndërkaq, nuk është hera e parë që politikanë e personalitete tjera publike në Kosovë dekorohen ngjashëm nga organizata të dyshimta.
Ka një vit që me krenari Marjan Dema e ka varur në murin e zyrës dekoratën “Ambasador i Paqes, Edukimit dhe Shkencës”.
Por, si titulli ashtu edhe organizata me seli në Bazel të Zvicrës, e udhëhequr nga indoneziani Djuyoto Suntani, dyshohet të janë pjesë e një skeme të gjerë mashtrimi nëpër botë.
Gazeta Infokus ka gjetur se në të kaluarën, e njëjta organizatë, ka ndarë çmime edhe për figura tjera publike në Kosovë, të cilat dyshohet se kanë paguar para në këmbim të çmimeve të ngjashme.
Faqja zyrtare e kësaj organizate, është përplot fotografi të aktiviteteve të përbashkëta të Djuyoto Suntani me Shefki Hysën. /Gazeta Infokus/
Të tjera
-
Krasniqi: Pas dështimit të votimit në komunat veriore, Kosovës do t’i shtohet presioni për themelimin e Asociacionit
Profesori universitar Milazim Krasniqi, ka vlerësuar se pas dështimit të proc...
-
Tre të dyshuar janë dërguar në mbajtje pasi u përplasën fizikisht me policinë në Klinë
Tre persona janë arrestuar pasi që të njëjtit gjatë një proteste nuk ju kanë ...
-
Mosmarrëveshje për pronë, arrestohet një person në Prishtinë
Të hënën në Prishtinë është arrestuar një person pasi i njëjti ka kanosur një...
-
Vasfije Krasniqi pas mbledhjes së KS: Serbia humb çdo betejë
Presidentja Vjosa Osmani në mbledhjen e Këshillit të Sigurimit të Kombeve të ...
-
Agjenda të ngjeshura, sot mblidhen shtatë komisione parlamentare
Komisioni për Arsim, Shkencë, Teknologji, Inovacion, Kulturё, Rini dhe Sport ...
-
Aksident në Lipjan, humb jeten një person
Rasti ka ndodhur në rrugën “Ibrahim Rugova”, të këtij qyteti. Zëdhënësi i ...
-
Prokuroria Speciale sot pranon donacionin nga Ambasada e Britanisë së Madhe
Kryeprokurori i Prokurorisë Speciale, Blerim Isufaj, do të jetë sot nikoqir i...
-
Pamje terrorizuese – Pas goditjes 6.3 ballëshe, dhjetëra tërmete në pak orë në Tajvan/Pamje
Më shumë se 80 tërmete, më i madhi prej të cilëve kishte një magnitudë 6.3 ba...
-
BE-ja reagon për rezultatet e votimit në veri, s’tregon kur do t’i heqë masat
Rezultatet e votimit në veri nuk kontribuojnë në zbutjen e tensioneve, kanë t...
-
Prokuroria: Trump u përpoq të manipulonte zgjedhjet me pagesat! Avokatët: Padia gjyqësore e pabazë
Donald Trump u përpoq të ndikonte në mënyrë të paligjshme në zgjedhjet presid...
-
Qeriqi vazhdon dëshminë në procesin gjyqësor ndaj ish-krerëve të UÇK-së
Në Dhomat e Specializuara të Kosovës në Hagë sot do të vazhdojë procesi gjyqë...
-
Haliti për Bedri Hamzën: Është më i mirë se Albin Kurti
Deputeti i Partisë Demokratike të Kosovës, Xhavit Haliti, tha se kandidati i ...