Lajme

Arifi-BE-së: Merru me marrëveshjen për energji, le rritjen e pagave

Autori: Gazeta inFokus 16:44 | 21 June 2018

Këshilltari i kryeministrit Ramush Haradinaj, Avni Arifi,  i është kundërpërgjigjur shefes së zyrës së BE-së, Natalyia Apostolova për deklaratën se duhet tërhequr vendimi për rritjen e pagave.

Arifi përmes një postimi në facebook ka shkruar se vendimi i Qeverisë për rritjen e pagave është legjitim madje ka kërkuar nga BE që të merret me impelemitmin e marrëveshjeve që i ka garantuar, shkruan GazetaFokus.

Ai ka shkruar se BE duhet të merret me marrëveshjen për energji që sipas eksperte i ka shënuar humbje Koosvës mbi 150 milionë euro.

-Advertisement-

Më poshtë mund të gjeni të plotë postimin e Arifit.

Vendimi i Qeverisë së Kosovës për ngritjen e pagave është vendim legal dhe legjitim. Dhe gjithsesi kushtetues. BE do të ishte mirë që në vend të sfidimit të vendimeve të tilla nga fusha e përgjegjësive qeverisëse, të sigurojë implementimin e marrëveshjeve që vet i ka garantiar, siç është marrëveshja për energjinë. Nëse sipas ekspertëve, Kosova në vit i humbë 25 milionë euro si pasojë e moszbatimit të marrëveshjës për energjinë, atëherë që nga viti 2013 Kosova i ka humbë 150 milionë euro. Zyra e BE- së në Kosovë, sot, duke komentuar pagat e zyrtarëve qeveritarë, e pati gabim. Kosova ndihmohet duke implementuar marrëveshjën e garantuar për energjinë dhe jo duke dhënë vlersime për vendime legjitime politike gati si parti politike qe synon sukses elektoral zgjedhor.

Mëngjesin e së enjtes, shefja e zyrës së BE-së, si dhe përfaqësuesja e BE-së në Kosovë, Natalyia Apostolova, ka reaguar në lidhje me vendimin e qeverisë për rritjen e pagave, me ç’rast ka kërkuar që të tërhiqet një vendim i tillë,

Sipas një komunikate për media nga zyra e Apostolovës, më 12 qershor, Qeveria riktheu vendimin e saj për rritje “ad hoc” të pagave për anëtarët e kabinetit, këshilltarë të caktuar, disa nënpunës të lartë civil dhe stafin mbështetës të kabinetit qeveritar./GazetaFokus

 

Subscribe në YouTube: GAZETA INFOKUSI
E treta e verteta, shpallet fituesi I trete I Lojes Shperblyese se Artmotion?

Të tjera