Arifi: Nuk e deshën Aliun e UÇK-në morën Mickovskin dhuratë, me ndihmë jo të vogël të Kurtit
Autori: Gazeta inFokus 20:20 | 27 October 2024
Ish-kryenegociatori i Kosovës në dialogun me Serbinë, Avni Arifi, ka komentuar raportimet se Ali Ahmeti, ka nisur letër tek drejtuesit ndërkombëtarë me kërkesën që të respektohet Marrëveshja e Ohrit.
Në analizën e dhënë të Arifit, e gjithë kjo po ndodhë me ndihmën e kryeministrit kosovar, Albin Kurti.
”Letra e Ali Ahmetit dërguar qendrave botërore duhet të tërheqë vëmendjen e të gjithëve. S’kanë kaluar as gjashtë muaj qëkur ka ardhur (me ndihmën e Kurtit) Mickovski në krye të Qeverisë së Maqedonisë së Veriut dhe ai ka filluar t’i godasë të gjitha interesat e shqiptarëve që jetojnë atje. Largimi me çdo kusht i UÇK-së nga pushteti në Maqedoninë e Veriut nuk po u del mirë shqiptarëve të Maqedonisë dhe koha do të tregojë se edhe në Kosovë ishte gabim trashanik. E kuptueshme pse ish-presidenti maqedonas Pendarovski ishte i tronditur kur dëgjoi nga Kurti se donte ta hiqte UÇK-në nga qeverisja edhe në Maqedoninë e Veriut.
Ndaluni për një çast dhe mendojeni rrugën Prizren-Tetovë. Me vite ka punuar Ali Ahmeti me njerëzit e tij për të bindur partnerët maqedonas për interesin ekonomik që do të sillte tuneli mes Tetovës dhe Prizrenit. Dhe kur LSDM-ja u pajtua që ta aprovonte bile edhe në Qeveri, Albini e pa këtë si projekt “Bashkimi Shqiptar” që i siguron një biletë për të hyrë në histori. Mblodhi burrat, anashkaloi shtetin maqedonas, mori flamuj “autochthonous” dhe me Kasemin e Tetovës në gusht të 2023 organizuan tubim madhështor, i cili dukej si tubim i përfaqësuesve të të gjitha trojeve shqiptare me bajraktarin Kurti. U madhështuan shqiptarët, por u tmerruan maqedonasit, të cilët tunelin nuk e panë më si ekonomik, por pak më ndryshe, dhe u shfrytëzua kjo për zgjimin e nacionalistëve antishqiptar, të cilët me ndihmën e satelitëve të Kurtit erdhën bindshëm në pushtet.
Tash Kurti me Liburnin kanë mbetur me këmbë të arushës në dorë. Në vend të përfundimit të autostradës Prishtinë-Gjilan, kanë ndarë 30 milionë dhe kanë filluar punimet në pjesën e Kosovës të rrugës Prizren-Tetovë, duke shpresuar që Qeveria maqedonase do të ndihet e “obliguar” ta kryejë pjesën e vet. E Qeveria maqedonase as që e mendon projektin për ratifikim në parlament, por përkundrazi, përveç që keqtrajton Presidenten e Kosovës në aeroport, është aktive në largimin dhe skajimin e shqiptarëve nga çdo pozitë e rëndësishme në administratën publike të Republikës së Maqedonisë së Veriut. Satelitët e Kurtit kanë qenë shumë të zënë duke festuar gjatë gjithë verës me këngëtarë nga trojet shqiptare nëpër restorante dhe rrugë të Tetovës, duke pretenduar se u kanë bërë shërbim qytetarëve shqiptarë sepse kanë larguar nga pushteti Komandantin e UÇK-së, Ali Ahmetin. E vërteta po del gjithnjë se e kanë sakatosur perspektivën e shqiptarëve në Maqedoni. Nuk e deshën Aliun e UÇK-në morën Mickovskin dhuratë, me ndihmë jo të vogël të Kurtit. Ju priftë e mbara”.
Të tjera
-
Fatmir Sopi dëshmon në Speciale
Ish-pjesëtari i Ushtrisë Çlirimtare të Kosovës, Fatmir Sopi do të dëshmojë so...
-
Thẹri për vdẹkje vëllain, flet kryeprokurori: Sipas informacioneve fillestare i dyshuari është me të meta psiqike
Një ngjarje tragjike ka ndodhur mbrëmë në Prishtinë, ku dyshohet se një perso...
-
Bedri Krasniqi lirohet nga akuza për kạnosjen e dëshmitarit Mehmeti
Gjykata Themelore e Prishtinës e ka liruar Bedri Krasniqin nga akuza për kano...
-
Burri rrạh gruan e tij në Ferizaj, arrestohet
Një burrë është arrestuar në Ferizaj pasi që ka rrahur gruan e tij. Sipas ...
-
Vrạu vëllain me thịkë, policia jep detajet e fundit, i dyshuari dërgohet në mbajtje
Një ngjarje e rëndë ndodhi mbrëmë në Prishtinë, ku një person vrau vëllain e ...
-
Nesër bëhet varrimi i të riut që humbi jetën në rrethana tragjike, familja ka një kërkesë
Familja Myftari në Prishtinë ka dalë me njoftim për vdekjen e djalit, Auronit...
-
Harris ose Trump: Këto shtete mund të vendosin
Zgjedhjet e ardhshme presidenciale në SHBA mund të vendosen në shtatë shtete ...
-
Pejë: Dyshohet se zyrtarit të ShKK-së ia vodhi armën vëllau
Të shtunën në mbrëmje ka ndodhur një rast në fshatin Vitomoricë të Pejës. ...
-
29 aksidente dhe mbi 1 mijë e 400 gjoba për një javë në rajonin e Ferizajt
29 aksidente trafiku kanë ndodhur në rajonin e Ferizajt gjatë javës së kaluar...
-
Uji ende nuk mund të përdoret për pije, vazhdon të ketë mangan në liqenin e Badocit
Prania e manganit në liqenin e Badocit, është ende e lartë, rrjedhimisht uji ...
-
Shkencëtarët tregojnë skenarin më të keq: Një megatërmet mund të godasë Paqësorin çdo ditë
Telefoni juaj paralajmëron, dridhja fillon dhe lëkundjet intensifikohen. Foto...
-
Izraeli dhe Irani – marrin fund bombardimet?
Regjimi në Teheran përpiqet të minimizojë rëndësinë e sulmeve izraelite. Iran...