Lajme

Arifi: Dialogu s’ka alternativë

Autori: Gazeta inFokus 19:27 | 16 January 2018

Avi Arifi, shef i ekipit negociator me Serbinë, ka thënë se dialogu mes shtetin fqinj është i paalternativë dhe i pashmangshëm, megjithë pengesat që mund të dalin në rrugë.

Arifi ka deklaruar se duhet të vazhdohet me implementimin e marrëveshjeve të arritura në Bruksel dhe që palët të kthehen në tyrezën e bisedimeve.

“Ka qenë e planifikuar sot në mëngjes një takim me palën serbe, ku do të diskutohej për formën e organizimit të punës, dhe më pas dy takime sektoriale. Mirëpo rrugës, një zyrtar i Bashkimit Evropian na informoi për rastin (vrasjen e Oliver Ivanoviq) dhe se delegacioni serb është kthyer në hotel, përkatësisht është tërhequr nga bisedimet”, tha ai, në Info Magazine të Klan Kosovës.

-Advertisement-

“Zyrtarët serbë po krijojnë përshtypjen e fajësimit tonë për këtë ngjarje. Por duhet pritur mekanizmat e drejtësisë, që të identifikohen kryerësit e kësaj vepre, ndërsa politika serbe duhet të tërhiqet nga këto veprime. Dialogu është i paalternativë, edhe për Serbinë, edhe për Kosovën”, tha Arifi.

“Kanë mbetur shumë marrëveshje pa u implementuar. Është në interes të dy palëve që kjo gjë të ndodhë. Të dy qeveritë në shumë raste janë deklaruar se e përkrahin dhe duan ta implementojnë dialogun. Incidente si këto nuk duhet ta zvarrisin këtë punë”.

“Pavarësisht deklarimeve, që nuk kanë munguar në ditët e fundit, ky proces është i pandalshëm, i paalternativë. Neve na mbetet që të ftojmë bashkësinë ndërkombëtare, por edhe delegacionin serb, që të kthehen në tryezë dhe të implementohen marrëveshjet e arritura”, tha Arifi. /Klan Kosova/

Subscribe në YouTube: GAZETA INFOKUSI
Etiketa:
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme