Lajme

Arabia Saudite: Të paktën 1,300 pelegrinë vdiqën nga temperaturat e larta gjatë haxhit në Mekë

Autori: Gazeta inFokus 06:59 | 24 June 2024

Arabia Saudite ka konfirmuar se të paktën 1,301 persona vdiqën gjatë Haxhit, kryesisht pelegrinë të paautorizuar që ecnin në distanca të gjata në vapë të madhe. Pelegrinazhi i këtij viti u zhvillua gjatë një vale të nxehtit, me temperatura që kalojnë 50 gradë Celsius.

Më shumë se tre të katërtat e atyre që vdiqën nuk kishin leje zyrtare për të qenë atje dhe ecnin nën rrezet e diellit direkte pa strehë adekuate, tha agjencia zyrtare saudite e lajmeve SPA. Disa nga ata që vdiqën ishin të moshuar ose të sëmurë kronikë, shtoi agjencia.

Ministri i Shëndetësisë Fahd Al-Jalajel tha se janë bërë përpjekje për të rritur ndërgjegjësimin për rreziqet e nxehtësisë dhe se si pelegrinët mund ta shmangin këtë. Ai shtoi se objektet shëndetësore trajtuan gati gjysmë milionë pelegrinë, dhe se disa prej tyre ishin ende në spital për shkak të lodhjes.

-Advertisement-

Arabia Saudite është kritikuar se nuk ka bërë më shumë për ta bërë haxhin më të sigurt, veçanërisht për pelegrinët e paregjistruar që nuk kanë akses në objekte të tilla si tendat me ajër të kondicionuar dhe transportin zyrtar të haxhit.

Subscribe në YouTube: GAZETA INFOKUSI