Arabia Saudite pret mbi 1 milion pelegrinë për të bërë Haxhin
![](https://gazetainfokus.com/wp-content/uploads/2022/07/AP_19225727594916-1024x640-11-852x460.jpg)
Autori: Gazeta inFokus
20:15 | 06 July 2022
Rreth 1 milion myslimanë po vizitojnë Mekën në Arabinë Saudite, për Haxhin e parë që kur pandemia i shtyu autoritetet të kufizojnë hyrjen në vendin më të shenjtë në Islam.
Autoritetet saudite kanë lejuar 850,000 vizitorë nga jashtë për pelegrinazhin vjetor që fillon të mërkurën, një hap i madh drejt normalitetit pas kufizimeve të rrepta pandemike. Vendimi për ta bërë këtë vjen pas dy vitesh gjatë të cilave qasja në vend ishte e kufizuar për banorët sauditë.
Numri 1 milion i pelegrinëve nga Arabia Saudite dhe jashtë saj është ende dukshëm më i vogël se shifra prej 2.5 milionë e atyre që udhëtuan në qytetin e shenjtë në vitin 2019. Haxhi konsiderohet si një nga ngjarjet më të mëdha në botë për sa i përket numrit të pjesëmarrësve.
Të mërkurën, ata që mbërritën mbanin çadra për të lehtësuar nxehtësinë prej 42 gradë Celsius.
Për të shkuar në Haxh këtë vit, pelegrinët duhet të jenë nën 65 vjeç dhe të vaksinuar kundër virusit, si dhe të kenë rezultuar negativ për COVID-19 brenda 72 orëve nga udhëtimi.
Pelegrinëve në Haxh nuk do t’u kërkohet të mbajnë maska ose t’u përmbahen udhëzimeve për distancimin shoqëror, siç ishte rasti në dy vitet e fundit.
Ndalimet për prekjen ose puthjen e Qabes, gurit të zi në qendër të vendit të shenjtë në Mekë, do të mbeten. Gjatë Haxhit, myslimanët rrethojnë dhe luten rreth strukturës së madhe kubike të mbështjellë me pëlhurë të zezë të qëndisur me ar, në një ritual të njohur si “tavaf”.
Të mërkurën, zyrtarët në Arabinë Saudite inspektuan vendin e shenjtë dhe theksuan gatishmërinë e vendit si dhe qëllimin e tij për ruajtjen e shëndetit publik.
Në vitin 2020, në fillim të pandemisë, autoritetet saudite lejuan vetëm 1000 njerëz që ishin tashmë banorë aty, të bënin Haxhin.
Vitin e kaluar, autoritetet kufizuan Haxhin në vetëm 60,000 banorë myslimanë të Arabisë Saudite, të vaksinuar plotësisht. Kufizimet e pashembullta të pjesëmarrjes i lanë të pikëlluar disa myslimanë të cilët kishin shpenzuar vite duke kursyer për mundësinë për të bërë Haxhin në vendin më të rëndësishëm në besimin e tyre, shkruan DW.
Zyrtarët në Arabinë Saudite aktualisht raportojnë mbi 500 infeksione të reja me koronavirus në ditë. Mbi 70 përqind e sauditëve janë vaksinuar. Ministria Saudite e Shëndetësisë tha se 23 spitale dhe 147 qendra shëndetësore ishin në dispozicion në Mekë dhe Medinë për vizitorët.
Arabia Saudite tani i lejon gratë të marrin pjesë në Haxh, të pashoqëruara nga një i afërm mashkull, pasi e hoqi kërkesën vitin e kaluar.
Autoritetet saudite mezi presin që Haxhi të kthehet në normalitetin e parapandemisë. Pelegrinët sjellin miliarda dollarë të ardhura për shtetin arab, burimi i dytë më i lartë i të ardhurave për Arabinë Saudite, pas naftës.
Sipas Kuranit, çdo mysliman që është i aftë fizikisht dhe financiarisht, duhet të bëjë Haxhin të paktën një herë në jetë.
![](https://gazetainfokus.com/wp-content/uploads/2024/03/Alan-Greenberg-UNI-NEW-03-e1709546819299-770x4001-1.jpg)
Të tjera
-
Kushti ri i Gjermanisë: Për fitimin e shtetësisë, duhet pranuar të drejtën e Izraelit për të ekzistuar
Atyre të cilëve aplikojnë për shtetësi në Gjermani, tash e tutje do t’u kërko...
-
Policia kontrollon serbët të cilët kanë nisur të mblidhen në Gazimestan
Qytetarë të komunitet serb kanë filluar të vijnë në Gazimestan, në afërsi të ...
-
Nicholas Abbott emërohet ambasador në Shqipëri
Diplomati britanik , Nicholas Abbott, i cili ka shërbyer si Ambasador i Mbret...
-
Lista Serbe reagon pas vendimit të gjykatës për vrạsjen e Ivanoviqit: Kurti po tregon sa i urren serbët
Gjykata Themelore në Prishtinë e shpalli të premten aktgjykimin për rastin e ...
-
Dërgohet në Gjykatë ish-polici i Kosovës, Aleksandar Vlajiq, i cili po dyshohet për spiunazh
Ish-polici i Kosovës që po dyshohet për spiunazh, Aleksandar Vlajiq është dër...
-
LDK dorëzon kërkesën për vendosjen e shtatores së Leotrim Ahmetit në oborrin e Kuvendit
Grupi Parlamentar i Lidhjes Demokratike të Kosovës i ka dorëzuar dje zyrtaris...
-
Nënshkruhet marrëveshja 37 milionë euro për ngritje të shërbimeve shëndetësore dhe të edukimit të hershëm
Në vlerë prej 37.2 milionë eurove, Ministria e Financave, Punës dhe Transfere...
-
47 aksidente trafiku për 24 orë në Kosovë, dy prej tyre me fatalitet
47 aksidente trafiku kanë ndodhur në 24 orët e fundit në Kosovë. Mbledhja ...
-
Një burrë dhe një grua rrạhin tri gra në Pejë
Është arrestuar një burrë në Pejë, pasi i njëjti bashkë me një grua, kanë rra...
-
Ky është doktori që paguhet 52 mijë euro në muaj në një klinikë private, pagat vjetore në tre vende pune kapin shifrën 631 mijë euro
Nuk do ta besoni por në Kosovën tonë të varfër ka mjek që paguhet hiq më pak ...
-
Profesori serb i sociologjisë: Regjimi i Vuçiqit është i ngjashëm me atë të Millosheviqit, serbët dhe flamuri abuzohen prej tij
Jovo Bakiq, profesor i sociologjisë në Fakultetin Filozofik në Beograd thotë ...
-
Kurti për ndalimin e ‘Mirëdita, Dobar dan’: Serbia ka armiqësi ndaj paqes
Kryeministri Albin Kurti ka reaguar pas lajmit për ndalimin e festivalit kult...