Lajme

Apple Maps ndryshon emrat e qyteteve të Kosovës, tashmë shënohen në gjuhën shqipe dhe jo serbe

Autori: Gazeta inFokus 11:19 | 05 May 2021

Apple Maps tashmë ka rregulluar emërtimet e qyteteve dhe fshatrave të Kosovës.

Këta emra tashmë do të shkruhen në gjuhën shqipe dhe jo në atë serbe.

Më herët Apple Maps nuk e kishte as emrin e shtetit të Kosovës në aplikacionin e saj, por ai u vendos pas një peticioni të bërë nga qytetarët e Kosovës.

-Advertisement-

Pasi emri i shtetit të Kosovës u vendos në Apple Maps, emrat e qyteteve dhe fshatrave kishin mbetur ende në gjuhën serbe, por ato kanë ndryshuar para disa ditësh dhe janë bërë të gjitha në gjuhën shqipe.

Po ashtu, janë përmirësuar edhe disa prej lokacioneve te cilat veçse ishin të rregulluara tashmë në shqip, si: Prishtina-Prishtinë, Mitrovica-Mitrovicë, Peja-Pejë dhe disa qytete tjera.

Por duket se jo të gjitha emrat kanë ndryshuar dhe janë bërë në gjuhën shqipe.

Emrat e disa lumenjve dhe liqeneve në Kosovë janë ende në gjuhën serbe dhe duket se po punohet që edhe ato të ndryshojnë dhe të shënohen në gjuhën shqipe.

Kështu dukej harta e Kosovës më herët kur emrat e qyteteve dhe fshatrave shkruheshin në gjuhën serbe./Express/

Subscribe në YouTube: GAZETA INFOKUSI

Të tjera

Fokusi

lajme