Auto&Tech

Apple konfirmon datën e prezantimit të iPhone 15 të ri, çfarë mund të presim?

Autori: Gazeta inFokus 08:30 | 30 Gusht 2023

Pas muajsh spekulimesh, Apple ka konfirmuar zyrtarisht se ngjarja e saj vjetore e zbulimit të iPhone do të zhvillohet të martën, më 12 shtator 2023.

Ajo do të presë një konferencë për shtyp nga selia e saj në Cupertino atë ditë, dhe ndërsa nuk është thënë saktësisht se familja e pajisjeve iPhone 15 do të zbulohet, pritet që të bëhet, transmeton Telegrafi.

Gjithashtu mund të kemi rast të shohim modelet e reja të Apple Watch – Apple Watch Series 9 dhe Apple Watch Ultra 2.0.

-Advertisement-

Gjithashtu duhet të kemi prezantimin publik të versionet iOS 17 dhe iPadOS 17 e Watch OS 10. Mund të ketë përmirësime në Apple AirPods Pro 2, USB-C kabllo i mbushësit të shpejtë.

Apple zakonisht hap porositë paraprake për pajisjet e saj të shpallura të premten pas ngjarjes së shtatorit, kështu që mund të prisni që pajisjet iPhone 15 të jenë të disponueshme për porosi nga 15 shtatori.

Më pas, nëse ndiqet tradita normale, do të dërgohet dhe do të arrijë në dyqane shtatë ditë më vonë – nga e premtja, 23 shtator 2023.

Sa i përket karakteristikave të reja, iPhone 15 standard dhe iPhone 15 Plus me gjasë do të ketë ndryshimet më të mëdha. Është thënë se do të ketë Dynamic Island që debutoi në iPhone 14 Pro të serisë së vitit të kaluar.

Përveç kësaj, do t’i vë në punë procesori Apple A16 Bionic që gjithashtu gjendet në modelet aktuale Pro.

iPhone 15 Pro dhe Pro Max mund ta largojnë ndërpresin fizik për fikjen e zërit, ndërsa kornizat thuhet se po zvogëlohen për t’u dhënë pronarëve pak më shumë hapësirë të ekranit.

Gjithashtu të gjithë iPhone e rinj do të heqin Lightning dhe në vend të tij do të kenë USB-C për mbushje të baterisë.