Apeli vërteton lirimin e Milaim Zekës nga akuza për incizim fshehurazi të të dëmtuarës
Autori: Gazeta inFokus 16:42 | 25 April 2023
Gjykata e Apelit ka marrë vendim, me të cilin ka refuzuar si të pabazuar ankesën e Prokurorisë Themelore në Prishtinë, duke vërtetuar aktgjykimin e Gjykatës Themelore në Prishtinë, me të cilin Milaim Zeka ishte liruar nga akuza për incizim fshehurazi të të dëmtuarës B.D.
Në vendimin e siguruar nga “Betimi për Drejtësi”, i cili është marrë më 18 prill 2023, thuhet se kolegji i Apelit pasi vlerësoi aktgjykimin e ankimuar, ka konstatuar se aktgjykimi në fjalë nuk është përfshirë me shkelje esenciale të dispozitave të procedurës penale, të cilat do të kishin kushtëzuar anulimin e aktgjykimit të ankimuar.
“Ngase dispozitivi i aktgjykimi është i kuptueshëm, në të nuk ka kundërthënie me vetveten e as arsyet e tij, është i qartë dhe konkret”, thuhet në vendimin e Apelit.
Sipas vlerësimit të Gjykatës së Apelit, pretendimet ankimore të Prokurorisë Themelore në Prishtinë sa i përket vërtetimit të gabuar dhe jo të plotë të gjendjes faktike janë të pabazuara, kjo për faktin se sipas Apelit, gjendja faktike në këtë çështje penale është vërtetuar në mënyrë të drejtë dhe të plotë.
Tutje, në vendim thuhet se me provat e administruara gjatë seancave të shqyrtimit gjyqësor, nuk është vërtetuar përtej dyshimit të bazuar mirë se i akuzuari të ketë kryer veprën penale për të cilën akuzohej.
Po ashtu, në vendim thuhet se nga arsyetimi i aktgjykimit të ankimuar rezulton se gjykata e shkallës së parë ka vërtetuar se nuk ishte kontestues fakti se e dëmtuara e ka thirrur në telefon të akuzuarin dhe ka kërkuar që të takohet me të, e po ashtu nuk ishte kontestuese se biseda mes tyre ishte incizuar, por kontestuese ishte se kush e ka incizuar dhe publikuar bisedën mes tyre.
“Lidhur me këtë, gjykata e shkallës së parë pas administrimit dhe vlerësimit të të gjitha provave ka arritur në përfundim se të akuzuarin duhet ta lirojë nga akuza për faktin se nuk është provuar se i njëjti ka kryer veprën penale për të cilën akuzohet”, thuhet tutje në vendim.
Andaj, Apeli ka vlerësuar si të drejta dhe të ligjshme përfundimet e gjykatës së shkallës së parë përkitazi me faktet vendimtare në këtë çështje penale.
Në seancën e mbajtur më 4 prill 2023, pranë kolegjit të Gjykatës së Apelit, Prokuroria kishte kërkuar që rasti ndaj Milaim Zekës të kthehet në rigjykim, ndërsa vetë Zeka kishte kërkuar nga Apeli që të vërtetohet lirimi i tij.
Ndryshe, aktakuza e siguruar nga “Betimi për Drejtësi” rezulton të jetë ushtruar në gjykatë më 18 mars 2021.
Sipas aktakuzës së ngritur nga Prokuroria Themelore në Prishtinë, Milaim Zeka akuzohej se më 18 maj 2017, në rrugën “B”, në restorantin “Fshati” në Prishtinë, pa autorizim ka incizuar tani të dëmtuarën B.D dhe se këtë incizim ua ka shpërndarë personave të tretë.
Me këto veprime, Prokuroria Themelore në Prishtinë e akuzonte Milaim Zekën se ka kryer veprën penale “Fotografimi dhe incizimet tjera të paautorizuara”, nga neni 205, par. 2, lidhur me par 1 të KPRK-së.
Të tjera
-
NATO nis armë bërthamore në Poloni? Reagon Stoltenberg: Nuk ka plane për…
Presidenti polak Anderzej Duda la të kuptohet se vendi i tij është i gatshëm ...
-
Endrit Thaçi uron babain për ditëlindje me fjalë nga zemra
Sot ish-presidenti Hashim Thaçi, feston ditëlindjen e 56-të. Nuk mungoi ur...
-
Spanja liron aksidentalisht bosin holandez të drogës, më pas ai arratiset
Zyrtarët e drejtësisë në Spanjë aksidentalisht kanë liruar nga burgu miliarde...
-
Bajrami i reagon Krasniqit për Grantin e Performancës për Komunat: Mos baltosni punët e mira të qeverive të kaluara
Deputetja nga radhët e Lidhjes Demokratike të Kosovës, Hykmete Bajrami, i ka ...
-
Arrestohet e dyshuara se tentoi të fuste dro*ë në Burgun e Dubravës
Të martën është arrestuar një grua nga Policia e Kosovës, nën dyshimin se kis...
-
Statistikat e BQK: Qytetarët morën kredi në vlerë prej 241 milionë euro gjatë marsit, i depozituan rreth 70 milionë
Mbi 241 milionë euro është vlera e kredive të reja të marra nga qytetarët e K...
-
Departamenti amerikan i Shtetit: Ne sponsorizojmë me krenari rezolutën për Srebrenicën
Shtetet e Bashkuara të Amerikës janë krenare që sponsorizojnë propozimin për ...
-
Kur do t’i hiqen Kosovës masat e vendosura nga BE-ja
Bashkimi Evropian nuk ka treguar shenja konkrete se Kosovës do t’i hiqen masa...
-
Nga VV-ja thonë se nuk ka nevojë për raporte shtesë: BE-ja t’i heq masat ndaj Kosovës
Njërin nga kushtet që e kishte Kosova që Bashkimi Evropian t’ia heq masat ndë...
-
Hashim Thaçi sot ka ditëlindjen
sh-presidenti i Kosovës, Hashim Thaçi, feston sot 56-vjetorin e lindjes. A...
-
Sot mbahen zgjedhjet për president në Maqedoni të Veriut, në garë shtatë kandidatë
Qytetarët e Republikës së Maqedonisë së Veriut sot nga ora 7 deri në 19 do të...
-
Rohde: Për t’u anëtarësuar në KiE, Kosova duhet të bëjë “hapa të prekshëm” për Asociacionin
Ambasadori i Gjermanisë në Kosovë, Jorn Rohde, ka thënë se Kosova duhet të bë...