Lajme

Apeli refuzon ankesën e Prokurorisë Speciale në rastin Lekaj

Autori: Gazeta inFokus 09:23 | 23 June 2017

Gjykata e Apelit e ka refuzuar si të pabazuar ankesën ushtruar nga Prokuroria Speciale e Republikës së Kosovës (PSRK), kundër aktvendimit të Gjykatës Themelore në Gjakovë të marrë më 15 maj 2017, për hedhjen e aktakuzës ndaj ish-kryetarit të Komunës së Gjakovës Pal Lekaj dhe dy të akuzuarve tjerë Qazim Mehmeti dhe Nikollë Lleshi.

Avokati i Pal Lekaj, Arianit Koci ka deklaruar për Indeksonline se prokuroria nuk ka pas asnjë provë që klienti tij Lekaj të ketë kryer ndonjë vepër penale.

“E kam thënë edhe më herët se nuk ka pasur asnjë provë se Lekaj e ka kryer veprën penale për të cilën ngarkohej”, ka thënë Koci për Indeksonline.

-Advertisement-

Pal Lekaj, Qazim Mehmeti dhe Nikoll;ë Lleshi ngarkoheshin me veprën penale “keqpërdorimi i pozitës apo autoritetit zyrtar”.

Ankesa e Prokurorisë Speciale e bërë më 26 maj 2017, pretendonte se në aktvendimin e Gjykatës Themelore në Gjakovë kishte shkelje të dispozitave esenciale të procedurës penale, vërtetim të gabuar të gjendjes faktike dhe shkelje të ligjit penal.

Por lidhur me këtë ankesë, Prokuroria e Apelit në Prishtinë më 13 qershor 2017, ka propozuar që e njëjta të aprovohet si e bazuar, dhe çështja t’i kthehet gjykatës së shkallës së parë në rivendosje dhe procedim në shqyrtim gjyqësor.

E pas shqyrtimit të shkresave të lëndës dhe vlerësimit të pretendimeve ankimore në ankesë, Gjykata e Apelit e refuzon ankesën ë lartpërmendur si të pabazuar./Indeksonline/

Subscribe në YouTube: GAZETA INFOKUSI