Anulohet seanca për rastin “Veteranët”
Autori: Gazeta inFokus 11:07 | 16 January 2020
Telashet që ju paraqitën gjatë ditës së enjte avokateve më ID, ka bërë që të dështojë seanca e rastit “Veteranët”.
Problemin me ID të veteraneve e ka bërë të ditur kryetarja e trupit gjykues, Nushe Kuka-Mekaj, shkruan Gazeta inFokus.
Shkak i këtyre problemeve, në seancë nuk ishte i pranishëm mbrojtësi i Agim Çekut, avokati Ramë Gashi.
E në mungesë të avokatit të tij, Çeku tha se nuk pranon që të mbahet seanca.
Në seancë munguan edhe mbrojtësi i Qelë Gashit, avokati Gafurr Elshani, si dhe mbrojtësi i Fadil Shurdhajt, avokati Skënder Musa.
Mirëpo, mungesa e këtyre dy avokatëve, sipas klientëve të tyre, ka të bëj me arsye tjera, e jo me problemet me ID.
Derisa, i akuzuari Gashi pranoi që seanca të vazhdojë edhe pa avokatin e tij, i akuzuari tjetër Shurdhaj kërkoi që të shtyhet seanca, pasi që siç tha, në këtë seancë do të administrohen provat dhe e sheh të nevojshme që të jetë prezent edhe mbrojtësi i tij.
Lidhur me këtë, gjykatësja Kuka-Mekaj tha se avokati Musa ka qenë i njoftuar për këtë seancë, e për mos prezencën e tij duhet të ndëshkohet.
Me situatën e krijuar, reagoi edhe mbrojtësi i Shkumbin Demaliajt, avokati Arianit Koci.
“Është e papranueshme që problemet e brendshme të Odës të ndërhyj gjykata dhe të na ndaloj hyrjen neve avokatëve. Kjo është fyerje për profesionin e lirë të avokaturës dhe me neve nuk bëhet lojë në këtë formë, që njëherë të na ndaloni e pastaj ta thirrni në telefon. Sidoqoftë, gjithmonë në janar është toleruar që të lejohet hyrja me kartelat e vitit paraprak në muajin e parë të vitit. Kjo është hera e parë që po ndodh. E keqja ma e madhe, e gjykatës, po shtyhet seanca sot, po zvarritet procedura dhe po pësojnë klientët tanë.” , tha Koci.
Fillimisht, gjykatësja Kuka-Mekaj tha se do të njoftojë me telefon avokatin Gashi, se urdhri për ndalim të hyrjes në gjykatë për avokat është tërhequr.
Mirëpo, për këtë reagoi mbrojtësi i Nuredin Lushtakut, avokati Tahir Rrecaj, i cili tha se avokati Gashi është shumë i ofenduar dhe të njëjtit i kishte thënë se nuk kthehet më në gjykatë.
“Ramë Gashi është jashtëzakonisht i ofendum dhe nuk besoj që vjen sot. Edhe ne të gjithë jemi të ofenduar. Avokati Gashi tha se jam i ofenduar shumë dhe në asnjë rrethanë nuk vi sot. Këtë ja tha klientit të tij në prezencën time.”, tha Rrecaj.
Si përfundim, gjykatësja tha se në mungesë të kushteve ligjore, seanca e së enjtes ndërpritet, për të vazhduar nesër, sipas agjendës së paraparë.
Në këtë rast, për keqpërdorim të pozitës apo autoritetit zyrtar, akuzohen ish-kryeministri i Kosovës, Agim Çeku, ministri në detyrë i Mbrojtjes, Rrustem Berisha, ish-deputeti Shkumbin Demalijaj, si dhe nëntë persona të tjerë.
Ata akuzohen për kohën sa ishin pjesë Komisionit Qeveritar për Njohjen dhe Verifikimin e Statusit të Dëshmorit të Kombit, Invalidit, Veteranit, Pjesëtarit dhe të Internuarit të Luftës së UÇK-së, raporton “Betimi për Drejtësi”.
Ndërsa, me aktakuzën e dorëzuar në gjykatë më 7 dhjetor 2018, pretendohet se buxheti i Republikës së Kosovës është dëmtuar në shumë prej 88.769.217.04 euro../Gazeta inFokus/
Të tjera
-
Pse e shkarkoi Qeveria serbe kryetarin e Preshevës, Shqiprim Arifi?
Një krizë politike shpërtheu sërish në një komunë në jug të Serbisë të ba...
-
Dhuną në familje, Haxhiu letër kryetarëve të komunave: Zbatoni obligimet që dalin nga strategjia
Në cilësinë e Koordinatores Kombëtare kundër dhunës në familje, dhunës ndaj g...
-
Prokuroria inicion rast ndaj profesorit Xhevat Krasniqit për veprën penale “ngącmim seksuąl”
Prokuroria Themelore në Prishtinë, ka njoftuar se ka inicuar rast në drejtim ...
-
“U shku me vrą Ganinë”, dëshmitari tregon se çfarë dëgjoi sa ishte në mal ditën kur ndodhi vrąsja e trefishtë në Gllogjan
Dëshmitari Gazmend Zeqiraj, në seancën e shqyrtimit gjyqësor ndaj tre të akuz...
-
Nënat e Srebrenicës falënderojnë presidenten Osmani: Një fjalim i tillë do të mbahet mend ndër breza
Nënat e Srebrenicës kanë falënderuar sot Presidenten e Kosovës, Vjosa Osmani,...
-
DW: Marrëveshja e Ohrit zyrtarisht pjesë e negociatave BE-Serbi
Zbatimi i plotë i marrëveshjes për normalizim të marrëdhënieve me Kosovën që ...
-
Konjufca priti në takim anëtarët e Komisionit të Senatit për Punë të Jashtme të Çekisë
Kryetari i Kuvendit të Republikës së Kosovës, Glauk Konjufca, priti sot n...
-
Haradinaj: Raporti i DASH-it goditja më e fuqishme, duhet t’i shërbejë Qeverisë që të japë dorëheqje
Kryetari i Aleancës për Ardhmërinë e Kosovës (AAK), Ramush Haradinaj, ka kome...
-
Raporti i DASh-it, LDK: Qeveria e udhëhequr nga Kurti, më e korruptuara ndonjëherë
Lidhja Demokratike e Kosovës (LDK), ka thënë për EO se Departamenti Amerikan ...
-
Heshtje para zgjedhjeve presidenciale në Maqedoninë e Veriut
Sot në Maqedoninë e Veriut është heshtje para zgjedhjeve presidenciale që mba...
-
Raporti i DASH-it, Bajrami: Kurti po mendon se po i drejtohet deleve, analfabetëve funksionalë
Deputetja e LDK-së, Hykmete Bajrami, ka reaguar pas publikimit të Rap...
-
Ia rrahu tavolinën Vuçiqit në OKB – reagime të shumta në mbështetje të përfaqësueses së Maltës: Kështu u drejtohemi diktatorëve!
Të hënën në Nju Jork u mbajt mbledhja e Këshillit të Sigurimit të Kombeve të ...