U paralajmërua se të mërkurën në ditën e mësuesit do të protestohet para ndërtesës së Qeverisë së Kosovë për të kërkuar njohjen e kontributit të mësimdhënësve të dhënë gjatë viteve 90-ta. Por me shumë gjasë kjo protestë nuk do të mbahet.

Kryetari i Sindikatës së Bashkuar të Arsimit Shkencës dhe Kulturës në Kosovë, Rrahman Jashari në një prononcim dhënë ‘Infokusit’ ka thënë se greva e planifikuar për nesër nuk do të mbahet pasi iniciuesit e saj nuk arritur të organizohen.

‘Shoqata e pensionistëve të arsimit brenda SBASHKU-të , kanë planifikuar që të mërkurën të organizojnë një protestë modeste për të kërkuar njohjen e statutit të mësimdhënëseve të viteve 90-ta. Mirëpo duket që ata nuk janë organizuar si dihet dhe nesër nuk do të ketë protestë ndërsa kemi një ceremoni festive dhe u ndajmë nga një orë dore dhe një mirënjohje të pensionuarve nga marsi i vitit të kaluar e deri në marsin e këtij viti’, ka thënë Jashari.

-Advertisement-

Ai ka shtuar se më 12 mars do të mbahet grevë tërë ditore në të gjithë sistemin arsimor në Kosovë
‘SBASHK do të vazhdojë me veprime sindikale ndërsa më 12 mars do të greve tërë ditore në tërë sistemin arsimor përveç çerdheve’, ka thënë ai.

Kryetari i SBASHK-ut ka paralajmëruar futjen në grevë të përgjithshme pas datës 13 prill nëse deri atëherë nuk ndërmerret asnjë në kërkesat e tyre

‘Kongresi i mbajtur më 24 ka nxjerrë një rezolutë e cila e obligon kryetarin dhe kryesinë që të veprojnë sipas saj dhe e precizon grevën njëditore me 12 mars dhe nëse gjërat nuk ecin si duhet deri më 13 prill atëherë do të shpallet grevë në kohë të pacaktuar derisa të realizohen kërkesat tona’, ka thënë ai për ‘Infokusi’.

E i pyetur rreth premtimeve të vazhdueshme për realizimin e kërkesave të tyre, Jashari ka thënë se tashmë nuk do të bazohen në premtime derisa nuk shohin asnjë veprim konkret në këtë aspekt.

‘SBASHK duke e parë që na është premtuar shpesh që do të bëhet ligji për njohjen e statutit të mësimdhënësve dhe përmbushjen e kërkesave tona tani e tutje të shkojmë me veprime sindikale derisa nuk do të shohim veprime konkrete për realizimin e kërkesave tona’, ka përfunduar Jashari.

Më 14 shkurt është mbajtur grevë njëorëshe në shumicën e shkollave dhe në 5 universitete private në Kosovë ndërsa më 20 shkurt është mbajtur grevë dyorëshe./INFOKUSI

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-