Fun & Video

Anulohet martesa e 28-vjeçarit me 10-vjeçaren

Autori: Gazeta inFokus 09:37 | 07 September 2019

Presioni publik bëri që autoritetet e regjimit islamik në Iran të anulojnë një martesë që u bë virale me fotot, pasi një burrë 28-vjeçar ishte martuar me një vajzë 10-vjeçe, duke ndjekur ligjet e sheriatit në provincën Kogiluje, dhe madje kishte marrë leje nga gjykata.

Xhevad Hejdarian, një gazetar në Iran, e bëri ngjarjen publike duke postuar një video të dasmës së tyre në Tuiter. Kjo e detyroi Naser Moktarin, kreun e Zyrës së Mirëqenies Sociale në Bahmai, që të nisë një hetim të çështjes në fjalë.

Kjo praktikë që e lejon martesën në këtë moshë nuk ndiqet në të gjithë Iranin, por vetëm në këtë provincë. Ndryshimet kaq të thella të kulturave, sipas gazetarit që e bëri publike, kanë ndodhur sepse këto zona kanë kaluar shumë shpejt nga stili i jetës nomade, në atë moderne dhe urbane.

Problemi i vajzave që martohen që fëmijë në Iran nuk është diçka e re

Një rast tjetër i raportuar është Lejla, e cila u martua që adoleshente, dhe mban mend se si i ati e rrahu ditën që u mor për ceremoninë e dasmës.

Në maj ët vitit 2019, një gjykatës iranian tha se në provincën Hamedan ishin martuar 1596 vajza në moshë të mitur, 10% e rasteve përfunduan në shkurorëzim.

Të tjera