Rozë

Antonela Berisha paraqitet në gjykatë – pas pak nis seanca për dhunën ndaj Klea Prengës

Autori: Gazeta inFokus 14:28 | 17 October 2024

Sot në Gjykatën e Tiranës do të zhvillohet seanca ndaj motrave Antonela dhe Mariela Berisha për dhunimin e Klea Prengës.

Aktualisht Antonela Berisha ndodhet në hollin e Gjykatës së Tiranës duke pritur nisjen e seancës ndaj saj dhe të motrës Marielës.

Dy motrat Mariela dhe Antonela Berisha u dorëzuan në polici pasditen e djeshme.

-Advertisement-

Dhuna ndaj blogeres Klea Prenga ndodhi në fund të muajit gusht në një restorant te “Kodra e Diellit”. Dy motrat u afruan te tavolina ku ndodhej 24-vjeçarja dhe njëra prej tyre i gjuajti me gotë qelqi në fytyrë. Menjëherë ndërhyri stafi dhe klientë të tjerë të restorantit duke i ndarë. Pas sherrit dy motrat u larguan të qeta dhe për t’u arratisur kanë përdorur dy automjete.

Blogerja 24-vjeçare në reagimin publik që bëri pas ngjarjes ku tregoi edhe dëmtimet e shkaktuara, tha se donin t’i shkatërronin fytyrën dhe imazhin e saj, ndërsa motrat Berisha i kanë dërguar edhe mesazh kërcënues pasi e kanë sulmuar.

Subscribe në YouTube: GAZETA INFOKUSI