Lajme

Antiga planifikon referendum për t’u kthyer në republikë

Autori: Gazeta inFokus 15:20 | 11 September 2022

Shteti i Antigës dhe Barbudës do të votojë nëse do të bëhet republikë, pas vdekjes së Mbretëreshës britanike, Elizabeta II.

Kryeministri i këtij shteti, Gaston Browne, ka thënë se referendum do të organizohet brenda tre vjetëve – mirëpo ka theksuar se ky vendim nuk është “akt armiqësie”.

Ai i ka bërë këto komente pasi Charles III është bërë mbret i Mbretërisë së Bashkuar.

-Advertisement-

Përveç Mbretërisë së Bashkuar, Charles III njihet si udhëheqës shteti në 14 shtetet tjera që kanë qenë koloni të Britanisë së Madhe në të kaluarën.

Browne ka thënë se synon të organizojë referendumin vitin e ardhshëm, nëse rizgjidhet në pozitën që ka.

Megjithatë, ai e ka pranuar se nuk ka rritje të kërkesës për ta mbajtur atë.

“Mendoj se shumë njerëz as që e mendojnë këtë gjë”, ka thënë Browne për ITW News.

Më herët gjatë ditës së diel, Australia ka hedhur poshtë mundësinë e organizimit të një referendumi të tillë në katër vjetët e ardhshëm.

Vdekja e mbretëreshës ka ringjallur debatin rreth monarkisë në Australi.

Mirëpo kryeministri australian, Anthony Albanese, ka thënë se “çështjet më të rëndësishme për kushtetutën tonë, nuk i takojnë kësaj periudhe”.

“Kjo është periudhë në të cilën po ndajmë pikëllimin që ndjejnë shumë australianë, duke treguar respektin e thellë dhe admirimin për kontributin e Mbretëreshës për Australinë”, ka thënë Albanese.

Vitin e kaluar, Barbados është betuar në presidenten e saj, pasi Mbretëresha nuk është konsideruar më udhëheqëse e shtetit.

Edhe në Xhamajkë, Partia në pushtet, ka thënë se synon të mbajë referendum për të shndërruar sistem shtetëror në republikë./REL

Subscribe në YouTube: GAZETA INFOKUSI
Etiketa:
FREE FRIDAY ME ZBRITJE DERI 70%
-Advertisement-

Të tjera

Fokusi

lajme