Sport

Anthony Joshua ishte futbollist para se të bëhej boksier (Video)

Autori: Gazeta inFokus 11:52 | 29 April 2017

Sonte, boksieri i lindur në Nigeri Anthony Joshua do të ndeshet me Wladimir Klitschkon para 90,000 njerëzve në Stadiumin Wembley.

Joshua ose AJ siç quhet shpesh, filloi të merrej me boks vonë. Si adoleshent, atij i pëlqente më shumë futbolli dhe vrapimi.

Në një dokumentar të lëshuar para ndeshjes së tij, AJ shihet duke marrë pjesë në gara të vrapimit në shkollë dhe gjithashtu duke luajtur futboll, transmeton Gazeta Express.

Ai filloi të merrej me boks përderisa punonte si murator pasi u lëshua nga burgu. Shkuarja në burg ishte një fazë kritike në jetën e boksierit, pasi ai vendosi të bënte jetë ndryshe nga ajo që e çonte gjithmonë në probleme me ligjin.

Fitorja e tij kundër Dillian Whyte në Arena O2 në dhjetor të vitit 2015 u kap gjithashtu në filmin e shkurtër. Filmi 90 sekondësh do të shfaqet si reklama e fundit para se ai të hyjë në ring për të luftuar kundër Klitschkos.

Rëndësia e shkathtësive kompjuterike për studime

Të tjera

Fokusi

sport