Lajme

Anëtari i Vetëvendosjes paralajmëron zgjedhje, ironizon me LDK-në

Autori: Gazeta inFokus 10:29 | 04 December 2019

Sa u mendua që LDK-së e Vetëvendosjes po i mungon vetëm nënshkrimi për të arritur marrëveshjen për koalicionin qeverisës, filluan të përmenden edhe zgjedhjet e reja.

Kjo, vetëm dy muaj pasi u mbajtën ato, e pak ditë pasi u certifikuan rezultatet, shkruan gazeta inFokus.

Fillimisht, të hënën, u takuan Kryetari i LDK-së, Isa Mustafa e ai i Vetëvendosjes Albin Kurti, ku mendohej që pas disa muajsh bisedime do të arrihet koalicioni.

Por, nga takimi dolën ashtu siç kishin ardhur, veçse më keq, shkruan gazeta inFokus.

Arsye konkrete zyrtare për mos-arritjen e koalicionit të hënën nuk u dha, por u raportua se bëhej fjalë për një mosmarrëveshje në lidhje me ndarjen e posteve, por edhe për atë të Presidentit.

Nga kjo, më pas nuk munguan as akuzat ndaj zyrtarëve të të dyja partive në mes vete.

Tash është asamblisti i Vetëvendosjes në Prishtinë, Eman Rrahmani, i cili si duket ka paralajmëruar zgjedhje të reja.

Madje, ani se nuk ka përmendur ndonjë emër, në shkrimin e tij në Facebook, duket se ia ka dedikuar LDK-së, duke e pyetur nëse ka kukulla të reja për zgjedhje.

Kjo pas vendimit të kësaj partie që në zgjedhjet e 6 tetorit të kandidoi për shefe të qeverisë, Vjosa Osmanin, e që nga shumë analist e njohës të politikës u tha që në fakt vendimet për partinë i merr krejt dikush tjetër e jo Osmani, shkruan gazeta inFokus.

“A kanë KUKUKLLA tjera për zgjedhje?!”, ka thënë Rrahmani./Gazeta inFokus/

Të tjera