Lajme

Anëtari i Komitetit të Forcave të Armatosura të Senatit: SHBA duhet të furnizojë Ukrainën me avionë ushtarakë

Autori: Gazeta inFokus 21:52 | 13 March 2022

Senatori amerikan, Richard Blumenthal, një demokrat nga Konektikati tha se Shtetet e Bashkuara të Amerikës duhet të furnizojnë Ukrainën me pajisje ushtarake, duke përfshirë avionë, pasi ajo mbrohet kundër Rusisë.

“Duhet të merren parasysh mjetet e mbrojtjes ajrore, si avionët, dronët, kundërajrorët, bateritë dhe raketat, të gjitha mjetet e mbrojtjes ajrore. Dhe ndjenja ime personale është se ne duhet t’i ofrojmë ata avionë sepse janë potencialisht shumë të rëndësishëm për mbrojtjen e Ukrainës”, tha Blumenthal, i cili është edhe pjesë e Komitetit të Forcave të Armatosura të Senatit.

“Jo me pilotët amerikanë, por me trajnimin që ukrainasit kanë nevojë për të fluturuar ata avionë dhe për t’i bërë ata efektivë si një parandalues , si dhe një forcë për të mbrojtur popullin ukrainas kundër epërsisë ajrore të avionëve luftarakë rusë”, vazhdoi tutje ai, transmeton lajmi.net.

-Advertisement-

Pentagoni tha javën e kaluar se SHBA-ja ishte kundër një plani polak për transferimin e avionëve luftarakë në Ukrainë përmes SHBA-së dhe një baze ajrore gjermane.

Subscribe në YouTube: GAZETA INFOKUSI
Comodita në Gjermani shpalos koleksionin e produkteve të reja në panairin Heimtextil në Frankfurt
-Advertisement-

Të tjera

Fokusi

lajme