Analistët skeptik që do të ketë zgjedhje të reja parlamentare
Autori: Gazeta inFokus 09:31 | 02 September 2023
Tri partitë opozitare, Lidhja Demokratike e Kosovës, Partia Demokratike e Kosovës dhe Aleanca për Ardhmërinë tash e një kohë kanë paralajmëruar se në shtator do të ketë situatë të re politike, kësisoj opozita është shprehur e gatshme për nisjen e një mocioni mosbesimi ndaj Qeverisë Kurti.
PDK dhe AAK janë deklaruar qartazi se në shtator do të këtë diskutime mes opozitës lidhur me rrëzimin e Qeverisë Kurti, por analistët politikë në Kosovë nuk besojnë që gjatë këtij viti do të ketë zgjedhje të parakohshme.
Analisti Dritëro Arifi në një deklaratë të dhënë për Telegrafin ka thënë se nuk opozita nuk i ka numrat për rrëzimin e Qeverisë.
“Nuk besoj që do të kemi zgjedhje sa i përket një mocioni, mund të ketë zgjedhje për shkak të një presioni ndërkombëtar, por sa i përket mocionit të gjithë e dimë që mazhoranca e ka shumicën dhe është e pamundur që të krijohen 61 deputetë të rrezohet Qeveria Kurti. Unë pra nuk e shoh të arsyeshme të rrëzohet Qeveria Kurti derisa nuk kemi një qartësim rreth marrëveshjes së Ohrit”, është shprehur ai.
Sipas analistit, situata më shumë varet nga kryeministri Kurti nëse dëshiron ta rrëzojë Qeverinë.
“Pra, mendoj që topi është më shumë në anën e kryeministrit Kurti, nëse dëshiron ai ta rrëzojë vetvetën ose të vazhdojë kështu të izoluar dhe të sanksionuar”, tha mes tjerash ai.
Kurse, analisti Gazmir Raci deklaroi se përveç që opozita nuk i ka numrat për mocion, këtë vit po ashtu do të ketë regjistrim të popullsisë dhe nuk rekomandohet mbajtja e zgjedhjeve.
“Nuk besoj që këtë vit ne mund të shkojmë në zgjedhje të parakohshme, ky vit është po ashtu vit i organizimit të regjistrimit të popullsisë, dhe sipas standardeve të Eurostatit në atë vit kur organizohet regjistrimi i popullsisë, nuk rekomandohet mbajtja e çfarë do lloj zgjedhjeve, nacionale apo lokale. Andaj është e pakuptimtë dhe po ashtu nuk i kanë numrat për dërgimin e vendit në zgjedhje të parakohshme”, është shprehur ai për Telegrafin.
Mocioni i mosbesimit ndaj Qeverisë mund të ngrihet me propozimin e një të tretës (1/3) të të gjithë deputetëve të Kuvendit.
Sipas Kushtetutës së Kosovës, mocioni i mosbesimit vihet në rendin e ditë të Kuvendit, jo më vonë se pesë ditë e as më herët se dy ditë nga data e parashtrimit të tij.
Konsiderohet se mocioni i mosbesimit është pranuar, nëse për të kanë votuar shumica e të gjithë deputetëve të Kuvendit të Kosovës.
“Nëse mocioni i mosbesimit dështon, mocioni tjetër i mosbesimit nuk mund të ringrihet gjatë nëntëdhjetë (90) ditëve të ardhshme. Nëse mocioni i mosbesimit votohet për Qeverinë në tërësi, Qeveria konsiderohet në dorëheqje”, thuhet në Kushtetutën e Kosovës.
Grupi Parlamentar i PDK-së në Kuvend ka 18 deputetë, LDK ka 16 deputetë, AAK ka 8 deputetë, komunitetet kanë po ashtu 8 përfaqësues si dhe pa grup parlamentar janë 14 deputetë.
Ndryshe, deputetët e opozitës kanë thirrur një seancë të jashtëzakonshme të Kuvendit më 4 shtator, për “dështimet e Qeverisë” për sigurimin e teksteve shkollore për nxënësit.
Të tjera
-
Letra e evropianëve për Kurtin, Rama: Kosova ta bëjë pjesën e saj nga A në Zh, pa pyetur çka duhet të bëj Serbia
Letrën e para pak ditësh, ku Gjermania, Franca dhe Italia i thonë Kosovës që ...
-
Detajet e fundit nga helikopteri i rrëzuar i presidentit iranian – ka pasur kontakt me anëtarët e ekuipazhit
Është bërë kontakt me një pasagjer dhe një anëtar të ekuipazhit të helikopter...
-
Kush është Ebrahim Raisi, Presidenti i Iranit që u aksidentua me helikopter
Presidenti i Iranit, Ebrahim Raisi, i cili është zhdukur në malet e Iranit pa...
-
Njoftimi nga Uashingtoni për takimin Allen-Kurti, nënvizohet mbështetja e SHBA për dialogun me Serbinë
Departamenti Amerikan i Shtetit ka dhënë detaje për takimin e Nënsekretares p...
-
AAK po rritet në Gjermani, Haradinaj: Jemi bashkë në përkushtimin tonë për ta orientuar vendin drejt zhvillimit
Kryetari i Aleancës për Ardhmërinë e Kosovës (AAK), Ramush Haradinaj, ka thën...
-
Përleshen familjarët në Shtime – tre nga ta përfundojnë në Qendrën Emergjente të Ferizajt
Tre anëtarë të një familje në Shtime dërgohen në Emergjencë, dyshohet se u rr...
-
350 kandidatë i nënshtruan testit për pozitat e 24 prokurorëve të rinj të shtetit
Këshilli Prokurorial i Kosovës (KPK) organizoi mbajtjen e Testit Kualifikues,...
-
Ekipet e ASK-së do të vazhdojnë regjistrimin e qytetarëve në 11 komuna
Qytetarët e 11 komunave do të mund t’i shfrytëzojnë edhe pesë ditë që të regj...
-
Osmani nesër pret në takim ministren për Zhvillim Social dhe Familje të Katarit
Nesër, presidentja e Kosovës, Vjosa Osmani pret në takim ministren për Zhvill...
-
Raportohet se është gjetur helikopteri i rrëzuar në të cilin ishte Presidenti i Iranit
“The Guardian”, duke iu referuar raportimit të televizionit shtetëror të Iran...
-
Tahiri: Arratisja e Sekiraqës dështimi i radhës i drejtësisë, një arsye më shumë për zgjedhje
Shefi i Grupit Parlamentar të PDK-së, Abelard Tahiri ka thënë se sundimi i li...
-
Rrëzohet helikopteri i presidentit të Iranit, ai ishte brenda tij
Një helikopter që transportonte presidentin Ebrahim Raisi është dashur të bëj...