Lajme

Analisti ushtarak nga Beogradi: Vuçiq e çon ushtrinë në kufi me Kosovën veç për propagandë

Autori: Gazeta inFokus 10:21 | 17 May 2024

Aleksandar Radiq, analist ushtarak nga Beogradi, ka folur për praninë e shtuar të NATO-s në Ballkan, ndikimin rus dhe njohjen e heshtur të Kosovës nga ana e Serbisë.

Që nga fillimi i pushtimit rus të Ukrainës, thotë se NATO i ka kushtuar vëmendje të veçantë Kosovës dhe BeH-së.

Sipas Radiq, kjo ndodh pasi një pjesë e NATO-s i kushton rëndësi të madhe ruajtjes së stabilitetit në territorin e ish-Jugosllavisë, sepse vlerëson se ekziston rreziku i një krize sigurie.

-Advertisement-

“Forcat e NATO-s në krahun lindor janë forcuar si një masë parandaluese, njësi janë vendosur për të penguar Rusinë nga përpjekjet për të zgjeruar praninë e saj në pellgun e Detit të Zi”, thotë ai.

Prandaj thotë se nuk pritet që të ndodhë diçka, sepse është dërguar një mesazh i qartë se nuk do të lejohet.

“Ndikimi më i rëndësishëm në dinamikën e marrëdhënieve ndërmjet Serbisë dhe Bosnje-Hercegovinës është politika e Vuçiqit, e cila zhvillohet në dy pista – në njërën, mbahen marrëdhënie të mira me Moskën, dhe në anën tjetër, bëhet gjithçka që fuqitë udhëheqëse nga NATO pret që një vend properëndimor ta bëjë këtë. Në Beograd, kur e mërzit dikë nga pro Vuçiqi, ai zakonisht të thotë – “shko jashtë nëse nuk të pëlqen si është këtu””.

Analisti ushtarak thotë se edhe kërcënimet e Vuçiqit janë vetëm mashtrim ndaj popullit serb dhe Serbisë.

“Beogradi ka kaluar në nivel propagandistik dhe problemi i vërtetë është se si të bëhet opinioni publik serb të pranojë politikën e Vuçiqit për njohjen e fshehtë të pavarësisë së Kosovës”.

Analisti serb tregon edhe një moment kur Vuçiq e përdori ushtrinë e tij për propagandë.

“Në një moment, me rastin e vendosjes së targave të Kosovës në veri të provincës, Ushtria Serbe vendosi tanke në jug dhe mediat pro-qeveritare shfaqën programe me ton luftarakë. Vuçiq tha se gjithçka do të bëhet, por targat nuk do të pranohen. Hapi tjetër u ndërmor në fillim të këtij viti – pllakat u pranuan në heshtje (dhe nuk pati luftë), dhe publiku hesht”. /Oslobodjenje

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC

Të tjera

Fokusi

lajme